خود ساختہ قائد عوام نذیر احمد جٹ کی سیاست کا انجام،آٹھ امیدواروں کو بدترین شکست کا سامنا

بورے والا(شاہد اکبر طور سے)سپریم کورٹ سے تاحیات نااہل سابق ممبر قومی اسمبلی اور خود ساختہ قائد عوام چوہدری نذیر احمد جٹ کی سیاست کا عبرتناک انجام،بیوی،دو بیٹیوں سمیت جٹ گروپ کے حمایت یافتہ آٹھ حلقوں میں امیدواران قومی و صوبائی اسمبلی بلند و بانگ دعوﺅں کے باوجود بدترین شکست کا شکار ہو گئے،تفصیلات کے مطابق جعلی ڈگری کیس میں تاحیات عدالت عظمیٰ سے نااہل سابق ممبر قومی و صوبائی اسمبلی بورے والا چوہدری نذیر احمد جٹ نے الیکشن سے پہلے پی ٹی آئی کی مرکزی قیادت کو اندھیرے میں رکھتے ہوئے تحریک انصاف سے این اے162،پی پی229 اور پی پی231 کے لیے ٹکٹ حاصل کیے اور الیکشن کیمپین شروع کر دی ریٹرننگ آفیسر کے پاس پی پی229 کے لیے اپنے کاغذات نامزدگی جمع کروائے تاکہ ایم پی اے بن کر پی ٹی آئی کے اعلان کے تحت جنوبی پنجاب صوبے کے قیام کے بعد جنوبی پنجاب کی وزارت اعلیٰ حاصل کی جائے شہر میں”قائد عوام نذیر احمد جٹ“ کے پینا فلیکس آویزاں کر دئیے گئے کاغذات نامزدگی کی جانچ پڑتال کے دوران ریٹرننگ آفیسر کے روبرو موصوف اپنے نااہلی ختم ہونے کے کوئی عدالتی احکامات نہ پیش کر سکے کاغذات مسترد ہونے کے بعد ان کی پارٹی قیادت کے خلاف ہر زہ سرائی سے متعلق جب پارٹی قیادت کو انکشاف ہوا کہ نذیر جٹ صاحب تو تاحیات نااہل ہیں اور پارٹی قیادت کے خلاف نازیبا زبان استعمال کرتے ہیں چناچہ تینوں ٹکٹ واپس لے کر پی ٹی آئی کے حقیقی امیدواروں کو جاری کر دیے گئے چوہدری نذیر احمد جٹ نے جٹ گروپ کے تحت این اے162 سے اپنی بیٹی عائشہ نذیر جٹ،این اے163 سے چھوٹی بیٹی ڈاکٹر عارفہ نذیر جٹ،حلقہ پی پی229 گگو سے اپنی بیوی عابدہ ادیب جٹ کو تحریک اللہ اکبر کے ٹکٹ پر کھڑا کیا اسی حلقہ سے سابق تحصیل ناظم چوہدری عثمان احمد وڑائچ،پی پی230 بورے والا شہر کے لیے امپورٹڈ امیدوار حاجی عبدالحمید بھٹی،صوبائی حلقہ پی پی232 سے علی وقاص ہنجرا،پی پی231 سے عمران ایوب سلدیرا کو نامزد کر کے خود کو پی ٹی آئی کا ہم خیال ظاہر کر کے بھرپور انتخابی مہم چلائی اور اپنی تقریروں میں اعلانات کئے کہ ہم یہ نشستیں بھاری اکثریت سے جیت کر چیئرمین عمران خان کو تحفہ میں پیش کریں گے یہ انتخابی مہم جہاں پی ٹی آئی کے ٹکٹ ہولڈرز امیدواران کی ناکامی کا باعث بنی وہاں خود نذیر جٹ گروپ کے حمایت یافتہ تمام امیدواران قومی و صوبائی اسمبلی بھی بدترین تاریخی شکست سے ہمکنار ہوئے بعض امپورٹڈ امیدواروں نے تو رزلٹ کا پتہ چلتے ہی اپنے حلقے کے حامیوں سے الوداعی ملاقات کئے بغیر اپنے بریف کیس اٹھا کر اپنے اصل ٹھکانوں کی جانب روانہ ہونے کی تیاری شروع کر دی واضح رہے کہ 2013ء کے الیکشن میں بھی نذیر احمد جٹ اپنی دو بیویوں،دو بیٹیوں اور دو بھتیجوں سمیت انتخابی اکھاڑے میں اترے تھے مگر 2017کے نتائج سے بھی ابتر رزلٹ سامنے آئے تھے اور پورا خاندان شکست سے دو چار ہو گیا تھا مگر انہوں نے تاریخ سے کوئی سبق نہ سیکھا۔
جیہڑے کہندے سی مراں گے نال تیرے اوہناں ڈھولیاں بوہے باریاں نیں۔
محمد بوٹیا جدوں چمن وچ خزاں نے وال کھولے پنچھی اُڈ گئے مار اُڈاریاں نیں