مسلح ڈکیتی کی دو وارداتوں میں ڈاکو 11لاکھ سے زائد نقدی اور دیگر سامان لوٹ کر فرار
بورے والا(چوہدری اصغر علی جاوید سے)مسلح ڈکیتی کی دو وارداتوں میں ڈاکو 11لاکھ سے زائد نقدی،زیورات اور دیگر سامان لوٹ کر فرار،مزاحمت پر ایک شخص زخمی،تفصیلات کے مطابق نواحی گاﺅں 44کے بی کے زمیندار خضر حیات کے گھر 5نامعلوم مسلح افراد داخل ہوئے اور اہل خانہ کو یرغمال بنا کر ایک کمرے میں بند کر دیا ڈاکوﺅں نے اسلحہ کے زور پر گھر کی چابیاں لے کر سیف الماریوں میں موجود نقدی 6لاکھ 90ہزار،8تولے طلائی زیورات اور ہزاروں روپے مالیت کے قیمتی کپڑے لوٹ لیے اور فرار ہو گئے دوسرے واقعہ میں نواحی گاﺅں 299ای بی کا رہائشی قاری ارشاد احمد اور عبداللہ جموں اپنی موٹر سائیکل پر شہر سے واپس گاﺅں جا رہے تھے کہ گاﺅں سے باہر دو نامعلوم مسلح ڈاکوﺅں نے روک کر ان سے 30ہزار روپے نقدی چھین لی معمولی مذاحمت پر ڈاکوﺅں نے فائرنگ کر کے قاری ارشاد کو شدید زخمی کر دیا اور موقع سے فرار ہو گئے زخمی کو تحصیل ہیڈ کوارٹر ہسپتال بورے والا منتقل کر دیا گیا دونوں واقعات کی اطلاع پولیس کو کر دی گئی تاحال کوئی بھی مقدمہ درج نہیں ہوا۔
About Author
