میرے کاغذات نامزدگی منظور ہونے پر مخالفین کو مایوسی ہوئی ہے،چوہدری ارشاد آرائیں
بورے والا(چوہدری اصغر علی جاوید سے)مسلم لیگ(ن) کے نامزد امیدوار حلقہ پی پی 230 سابق ایم پی اے چوہدری ارشاد احمد آرائیں نے کہا ہے کہ میرے کاغذات نامزدگی منظور ہونے پر مخالفین کو مایوسی ہوئی ہے مجھے سیاسی منظرنامے سے ہٹانے کیلئے مخالفین نے ایڑھی چوٹی کا زور لگایا ہے لیکن اللہ تعالیٰ کی ذات اور عوام کی دعاﺅں نے آج تک مجھے ہر امتحان میں سرخرو کیا ہے میرے خلاف سازشیں کرنے والے بری طرح ناکام ہوئے ہیں انشاءاللہ آئندہ الیکشن میں عوام کی طاقت سے کامیابی حاصل کر کے مخالفین کے عزائم خاک میں ملائیں گے میں نے اپنے 5سالہ دور میں پوری نیک نیتی سے عوام کے اجتماعی اور انفرادی مسائل کے حل میں کوئی کسر اُٹھا نہیں رکھی یہی وجہ ہے کہ آج بورے والا کے عوام میرے ساتھ کھڑے ہیں،ان خیالات کا اظہار انہوں نے اپنے دفتر میں میڈیا کے نمائندوں سے گفتگو کرتے ہوئے کیا انہوں نے کہا کہ بورے والا کی سیاست میں پیراشوٹر سیاستدانوں کیلئے کوئی جگہ نہیں ایسے پیراشوٹرز کو نہ صرف اُنکے مخالفین بلکہ اُنکی اپنی جماعت کے کارکنان بھی مسترد کر چکے ہیں اگر عوام نے آئندہ الیکشن میں بھی مجھ پر اعتماد کیا تو کامیاب ہو کر اُن تمام منصوبوں کو بھی مکمل کروائیں گے جو منصوبے نامکمل رھ گئے ہیں کرپشن،کمیشن،مافیا اور قبضہ مافیا کا اس شہر سے مکمل خاتمہ کرنا میرا مشن ہے جس میں عوام میرے ساتھ کھڑے ہیں سازشی عناصر کو ہمیشہ کی طرح اس بار بھی بدترین ناکامی کا سامان کرنا پڑے گا اور حق و سچ کی فتح ہو گی۔
About Author
