کامیاب ہو کر ورکرز کے وقار کو کسی صورت مجروح نہیں ہونے دیں گے۔عبدالحمید بھٹی
بورے والا(چوہدری اصغر علی جاوید سے)الیکشن2018 میں پی ٹی آئی کے نامزد امیدوار حلقہ پی پی230 سابق ایم پی اے عبدالحمید بھٹی سابق ایم این اے اکبر علی بھٹی(مرحوم) کے چھوٹے بھائی اور سابق ایم پی اے بلال اکبر بھٹی کے چچا ہیں عبدالحمید1993 میں پیپلز پارٹی کی طرف سے ایم پی اے منتخب ہوئے تھے اور انہوں نے اپنے دور اقتدار میں اپنے حلقہ گورنمنٹ بوائز کالج میں ایم اے کلاسز کا اجراء،بورے والا شہر میں نکاسی آب کا دیرینہ مسئلہ کے حل کیلئے کروڑوں روپے کی لاگت سے ملتان روڈ پر ایک نئے ڈسپوزل ورکس کی تعمیر،شہر اور دیہات کو ملانے والی 50کلو میٹر طویل پختہ سڑکوں کی تعمیر،شہر اور دیہات میں 20نئے پرائمری سکولوں کا قیام،30پرائمری سے مڈل سکولوں کی اپ گریڈیشن اور 400سے زائد بے روزگار افراد کو محکمہ تعلیم،صحت،ایکسائز،زراعت،ریونیو،میونسپل کمیٹی اور دیگر محکموں میں ملازمتیں دلوائیں1993ء سے1996ء کے قلیل عرصہ میں حاجی عبدالحمید بھٹی نے اپنے دور اقتدار میں میرٹ پالیسی کا عمل درآمد کرواتے ہوئے عوام کو بنیادی سہولتوں کی فراہمی اور انکے مسائل کے حل کو اولین ترجیح دی عبدالحمید بھٹی کا آبائی شہر بورے والا ہے انکے چھوٹے بھائی محمد اشرف بھٹی تحریک انصاف کے چیئرمین عمران خان کے بنیادی ساتھیوں میں سے ہیں انکے بھائی محمد اشرف بھٹی نے 1997ء میں پی ٹی آئی کے قیام کے بعد عمران خان کے ساتھ لاہور کے حلقہ پی پی122 سے بطور امیدوار صوبائی اسمبلی الیکشن میں بھی حصہ لیا ہے اور وہ آج بھی عمران خان کے قابل اعتماد ساتھیوں میں شمار ہوتے ہیں اپنے بھائی محمد اشرف بھٹی کی وجہ سے ہی عبدالحمید بھٹی نے پی ٹی آئی میں شمولیت اختیار کی اور عمران خان کی قیادت میں انکے ویژن کے مطابق نئے پاکستان کے قیام میں آج انکے شانہ بشانہ ہیں عبدالحمید بھٹی کے ساتھ حلقہ این اے162 سے سابق ایم این اے نذیر احمد جٹ کی بیٹی عائشہ نذیر جٹ بھی تحریک انصاف کی نامزد امیدوار ہیں وہ اپنی اور دیگر برادریوں کی حمایت حاصل کرنے کے علاوہ پی ٹی آئی کے کارکنان کو ایک پلیٹ فارم پر متحد کرنے کے لیے جدوجہد کر رہے ہیں عبدالحمید بھٹی نے کہا ہے کہ آئندہ الیکشن میں انشاءاللہ بورے والا میں (ن)لیگ کا مکمل صفایا کریں گے کرپشن اور لوٹ مار کی سیاست سے اب پوری قوم نفرت کرتی ہے اور قوم نے فیصلہ کر لیا ہے کہ وہ آئندہ الیکشن میں پی ٹی آئی کو کامیاب بنا کر عمران خان کو وزیر اعظم منتخب کریں گے اور ملک سے کرپشن،ناانصافی،استحصال اور ظلم کی سیاہ رات کا خاتمہ ہو گا بورے والا کے غیور عوام سابقہ حکومت کی بداعمالیوں اور ملکی خزانے سے بدترین لوٹ مار کا احتساب الیکشن میں ووٹ کی طاقت سے کریں گے مقامی سطح پر پی ٹی آئی میں کوئی اختلاف نہیں ہم تمام کارکنان کو ساتھ لیکر چلیں گے اور کامیاب ہو کر ورکرز کے وقار کو کسی صورت مجروح نہیں ہونے دیں گے اور انہیں انکا اصل مقام دیں گے اگر عوام نے کامیابی دی تو بورے والا کی تعمیر و ترقی کے تمام ادھورے منصوبے مکمل کرنے کے علاوہ سہولتوں سے محروم علاقوں میں تمام بنیادی سہولتیں فراہم کریں گے۔
About Author
