پی ٹی آئی میں کوئی اختلاف نہیں ہم تمام کارکنان کو ساتھ لیکر چلیں گے۔عبدالحمید بھٹی
بورے والا(چوہدری اصغر علی جاوید سے)پی ٹی آئی کے نامزد امیدوار صوبائی اسمبلی حلقہ پی پی230 عبدالحمید بھٹی نے کہا ہے کہ آئندہ الیکشن میں انشاءاللہ بورے والا میں(ن) لیگ کا مکمل صفایا کریں گے،کرپشن اور لو ٹ مار کی سیاست سے اب پوری قوم نفرت کرتی ہے اور قوم نے فیصلہ کر لیا ہے کہ وہ آئندہ الیکشن میں پی ٹی آئی کو کامیاب بنا کر عمران خان کو وزیر اعظم منتخب کریں گے اور ملک سے کرپشن،ناانصافی،استحصال اور ظلم کی سیاہ رات کا خاتمہ ہو گا،ان خیالات کا اظہار انہوں نے الیکٹرانک و پرنٹ میڈیا کے عہدیداران کے اعزاز میں دیئے گئے افطار ڈنر سے خطاب کرتے ہوئے کیا انہوں نے کہا کہ بورے والا کے غیور عوام سابقہ حکومت کی بداعمالیوں اور ملکی خزانے سے بدترین لوٹ مار کا احتساب الیکشن میں ووٹ کی طاقت سے کریں گے مقامی سطح پر پی ٹی آئی میں کوئی اختلاف نہیں ہم تمام کارکنان کو ساتھ لیکر چلیں گے اور کامیاب ہو کر ورکرز کے وقار کو کسی صورت مجروح نہیں ہونے دیں گے اور انہیں انکا اصل مقام دیں گے اگر عوام نے کامیابی دی تو بورے والا کی تعمیر و ترقی کے تمام ادھورے منصوبے مکمل کرنے کے علاوہ سہولتوں سے محروم علاقوں میں تمام بنیادی سہولتیں فراہم کریں گے اس موقع پر پی ٹی آئی کے سنیئر راہنما محمد رمضان بھولو بھٹی،رﺅف احمد چوہدری،مبین احمد بھٹی،نعیم احمد بھٹی،ڈاکٹر رمضان،جاوید احمد قادری،مظہر کریم بابر کے علاوہ دیگر راہنما بھی موجود تھے۔
About Author
