نگران وزیر اعظم اور وزیر اعلیٰ پر حکومت اور اپوزیشن کا اتفاق ہونا خوش آئند ہے۔شاہ محمود قریشی
بورے والا(چوہدری اصغر علی جاوید سے)پاکستان تحریک انصاف کے مرکزی چیئرمین مخدوم شاہ محمود قریشی نے کہا ہے کہ نگران وزیر اعظم اور وزیر اعلیٰ پر حکومت اور اپوزیشن کا اتفاق ہونا خوش آئند ہے،آئندہ الیکشن سے قبل بلدیاتی اداروں کی مداخلت روکنے کے لیے انہیں غیر فعال کر دینا چاہیے تاکہ صاف اور شفاف انتخابات کا عمل مکمل ہو سکے،نواز شریف اینڈ کمیٹی کی بساط لپیٹی جا چکی ہے ملکی سا لمیت کے خلاف نواز شریف کا بیانیہ کسی طور پر بھی قابل قبول نہیں، ملک سے وفاداری کا حلف دینے کے بعد ملکی سرحدوں کے محافظ ادارے کے خلاف بیانات کوئی بھی محب وطن پاکستان نہیں دے سکتا،نواز شریف سیاسی طور پر مفلوج ہونے کے بعد ذہنی طور پر بھی مفلوج دکھائی دیتے ہیں اور وہ جس راستے پر چل نکلے ہیں وہی اُنکی تباہی کا سامان ہے پوری قوم پاک فوج اور دیگر آئینی اداروں کا ہر محاذ پر تحفظ کرنا چاہتی ہے،آئندہ الیکشن میں پی ٹی آئی ایسے امیدوار سامنے لائے گی جو عوام کے دلوں کی آواز ہونگے شکست (ن)لیگ کا مقدر بن چکی ہے،کارکن الیکشن کی بھرپور تیاری کریں اور پارٹی کے نامزد کردہ امیدواروں کو کامیاب بنائیں،ان خیالات کا اظہار انہوں نے بورے والا سے پی ٹی آئی کے راہنما امیدوار صوبائی اسمبلی حلقہ پی پی230 غلام مصطفےٰ بھٹی سے اپنی رہائش گاہ پر ون ٹو ون ملاقات کے دوران گفتگو کرتے ہوئے کیا غلام مصطفےٰ بھٹی نے مخدوم شاہ محمود قریشی کو علاقہ کی سیاسی صورتحال بارے تفصیل سے برفینگ دی اور آئندہ الیکشن بارے بھی تبادلہ خیال کیا۔
About Author
