وہاڑی میں پاک فوج کے حق میں کسانوں کی ریلی پر حملہ کرنیوالے ملزم ابھی تک آزاد ہیں۔ذوالفقار اعوان

بورے والا(چوہدری اصغر علی جاوید سے)ضلعی صدر پاکستان کسان اتحاد ملک ذوالفقار اعوان نے کہا ہے کہ وہاڑی میں پاک فوج اور سپریم کورٹ کے حق میں کسانوں کی ریلی پر حملہ کرنے والے ملزم ابھی تک آزاد ہیں،(ن)لیگ اور ضلعی انتظامیہ ان گلو بٹوں کو تحفظ فراہم کر رہی ہے ملکی اداروں کے خلاف (ن)لیگی حکومت کی ملک دشمن پالیسی نے اُنکے چہرے سے نقاب اُتار دیا ہے یکم جون کو ہزاروں کسان پاک آرمی اور چیف جسٹس کے حق میں تاریخی ریلی نکالیں گے اگر کسی ملک دشمن یا (ن)لیگ کے گلو بٹوں نے ریلی میں رکاوٹ ڈالنے کی کوشش کی تو حالات کی ذمہ داری حکومت اور انتظامیہ پر ہو گی محب وطن کسان اب ان ملک دشمنوں کا پوری قوت سے جواب دیں گے،ان خیالات کا اظہار انہوں نے اپنے دفتر میں ایک ہنگامی اجلاس کے دوران خطاب کرتے ہوئے کیا اجلاس میں محبوب خاں سلدیرا،محمد مہران،ملک شاہد،ملک بوٹا،جان بھٹی،راﺅ عثمان،چوہدری اصغر،فوجی امین کے علاوہ دیگر راہنما بھی موجود تھے انہوں نے تمام محب وطن وکلاء،سول سوسائٹی،تاجروں،کسانوں اور محنت کشوں سے اپیل کی ہے کہ وہ اس ریلی میں شرکت کرکے ملک دشمنوں کے ناپاک عزائم خاک میں ملا دیں اور ملک دوستی کا ثبوت دیں۔