جنوبی پنجاب کو محرومیاں دینے والے اب ہمیشہ کیلئے اقتدار سے محروم ہو جائیں گے۔مخدوم خسرو بختیار
بورے والا(چوہدری اصغر علی جاوید سے)جنوبی پنجاب صوبہ محاذ کے صدر اور پی ٹی آئی کے راہنما ایم این اے مخدوم خسرو بختیار نے کہا ہے کہ جنوبی پنجاب کو محرومیاں دینے والے اب ہمیشہ کیلئے اقتدار سے محروم ہو جائیں گے،(ن)لیگ نے لاہور کو ہی پنجاب سمجھ رکھا تھا اور انہیں اقتدار پر بٹھانے والے جنوبی پنجاب کے عوام الگ صوبے کے حق سے محروم رہے عمران خان نے اقتدار میں آکر جنوبی پنجاب کو صوبہ بنانے کا اعلان کر کے اس علاقہ کے عوام کے دل جیت لیئے ہیں آئندہ الیکشن میں جنوبی پنجاب سمیت پورے صوبے میں تخت لاہور کو بہت بری شکست ہو گی اور پی ٹی آئی انشاءاللہ اقتدار میں آکر جنوبی پنجاب کو ایک مثالی صوبہ بنائے گی عوام کے حقوق کی جنگ ملکر لڑیں گے نواز شریف اور اسکا خاندان اللہ کی پکڑ میں آ چکا ہے اور انکا انجام بہت بھیانک نظر آ رہا ہے،ان خیالات کا اظہار انہوں نے بورے والا کے حلقہ پی پی230 سے پی ٹی آئی کے امیدوار صوبائی اسمبلی غلام مصطفےٰ بھٹی کی قیادت میں ملنے والے وفد سے گفتگو کرتے ہوئے کیا وفد میں چوہدری خالد محمود راٹھ،ساغر بھٹی،چیئرمین یوسی حاجی پور سردار جام غلام محمد اور جام عدنان مٹھو بھی شامل تھے اس موقع پر غلام مصطفےٰ بھٹی نے مخدوم خسرو بختیار کے ساتھ ضلع وہاڑی کی سیاسی صورتحال اور آئندہ الیکشن میں پی ٹی آئی کی مقبولیت بارے بھی تبادلہ خیال کیا۔
About Author
