عدالت عالیہ ملتان نے چوہدری ارشاد آرائیں کے خلاف جعلی ڈگری کیس کی پٹیشن خارج کر دی

بورے والا(چوہدری اصغر علی جاوید سے)عدالت عالیہ ملتان نے لیگی ایم پی اے چوہدری ارشاد احمد آرائیں کے خلاف جعلی ڈگری کیس کی پٹیشن خارج کر دی،پٹیشنز نعمان یونس نے 2013 میں چوہدری ارشاد آرائیں کی بی اے کی ڈگری کو چیلنج کیا تھا،عدالت نے سماعت کے بعد فیصلہ محفوظ کر رکھا تھا،فیصلے کے بعد لیگی ایم پی اے کے دفتر میں جشن کا سماں،مٹھائیاں تقسیم،کئی مخالفین بھی مبارک دینے پہنچ گئے،تفصیلات کے مطابق بورے والا کے حلقہ پی پی233 سے2013 کے الیکشن میں (ن)لیگ کے ٹکٹ پر کامیاب ہونے والے ایم پی اے چوہدری ارشاد احمد آرائیں کے خلاف نواحی گاﺅں 461ای بی کے مقامی شہری نعمان یونس نے جون 2013 میں ہائیکورٹ ملتان بنچ میں ایک رٹ پٹیشن دائر کرتے ہوئے چوہدری ارشاد احمد آرائیں کے کاغذات نامزدگی کے ساتھ داخل کروائی گئی بی اے کی ڈگری کو جعلی قرار دیتے ہوئے موقف اختیار کیا تھا کہ انہوں نے جو ڈگری کاغذات نامزدگی کے ساتھ لف کی ہے وہ اُنکی اپنی نہیں بلکہ اپنے ایک ہم نام ارشاد احمد کے نام کی ہے اس پٹیشنز کی ہائیکورٹ ملتان بنچ میں پانچ سال سے سماعت جاری تھی کہ 24اپریل کو لاہور ہائی کورٹ ملتان کے جج جسٹس عباد الرحمن نے سماعت کے بعد فیصلہ محفوظ کر لیا تھا آج فاضل جج نے فیصلہ سناتے ہوئے نعمان یونس کی رٹ پٹیشن کو خارج کر دیا عدالت نے اپنے فیصلے میں لکھا ہے کہ پٹیشن قابل سماعت سماعت نہیں اور جس کے خلاف پٹیشن دائر کی ہے وہ اپنی مدت تقریبا پوری کر چکے ہیں اسکے علاوہ چوہدری ارشاد احمد آرائیں کی طرف سے سول کورٹ لاہور میں بھی اس ڈگری کے حوالہ سے ایک پٹیشن زیر سماعت ہے جس کا فیصلہ آنا ابھی باقی ہے عدالت کے اس فیصلے کی خبر سنتے ہی لیگی کارکنان کا تانتا بندھ گیا جہاں کارکنوں میں مٹھائی تقسیم کی گئی اور آتش بازی بھی کی گئی کارکنان نے چوہدری ارشاد احمد آرائیں کے حق میں نعرے لگائے مبارک دینے والوں میں امیدوار قومی اسمبلی حلقہ این اے162رانا غلام مرتضیٰ،پیر بختیار عالم مسعود چشتی،غلام رسول زیدی،چوہدری خالد محمود،سابق ناظم چوہدری ریاض احمد آرائیں، چوہدری رفعت طاہر،چیئرمین یوسی و امیدوار صوبائی اسمبلی حلقہ پی پی229چوہدری محمد اسحاق اور دیگر نمائندہ شخصیات شامل تھیںجبکہ اس موقع پر چوہدری ارشاد احمد آرائیں کے کئی سیاسی مخالفین بھی انہیں مبارک باد دینے پہنچ گئے چوہدری ارشاد احمد آرائیں نے اس فیصلہ کے بعد میڈیا سے گفتگو کرتے ہوئے کہا کہ مجھے اللہ تعالیٰ کی ذات پر مکمل بھروسہ تھا کہ وہ میرے لیے جو بہتر سمجھے گا وہی فیصلہ میرے لیے آئے گا اسکے علاوہ علاقہ کے90فیصد غریب،مزدور،محنت کشن،یتیم اور بے سہارا لوگ جن کی میں خدمت کرتا آ رہا ہوں اُنکی دلی دعائیں میرے ساتھ تھیں اس فیصلے نے ثابت کیا ہے کہ میں حق پر تھا اور میرے مخالفین کے تمام الزامات جھوٹ ثابت ہوئے ہیں اللہ تعالیٰ کا جتنا شکر ادا کروں وہ کم ہے اس فیصلے نے میرے مخالفین کے خواب چکنا چور کر دئیے ہیں۔