تعلیم وہ بنیاد ہے جس پر معاشرے اور نسلیں پروان چڑھتی ہیں۔عاصم بخاری،کفایت حسین اعوان
بورے والا(چوہدری اصغر علی جاوید سے)ملک کے معروف لیجنڈ اداکار پرائڈ آف پرفارمنس سٹیج ٹی وی اور فلم کے سٹار ڈرامہ نگار عاصم بخاری نے کہا ہے کہ تعلیم وہ بنیاد ہے جس پر معاشرے اور نسلیں پروان چڑھتی ہیں،علم کے بغیر ترقی کی منازل طے کرنا ناممکن ہے دنیا کے کسی بھی شعبہ میں ترقی کا دارومدار تعلیم پر ہوتا ہے ہر انسان کے اندر گوناں گوں صلاحتیں پوشیدہ ہوتی ہیں ان صلاحیتوں سے بھرپور فائدہ اُٹھانے کیلئے تعلیمی ادارے اور اساتذہ اہم کردار ادا کرتے ہیں جو ادارے اپنے طلباء و طالبات کو زندگی کے مختلف شعبوں میں اپنی صلاحیتیں بروئے کار لانے کے زیادہ سے زیادہ مواقع فراہم کرتے ہیں وہ تعلیمی و معاشرتی ترقی میں بہت اہم کردار ادا کرتے ہیں پنجاب کالج کی جانب سے نصابی تعلیم کے ساتھ ساتھ طلباء و طالبات کو غیر نصابی سرگرمیوں میں زیادہ سے زیادہ مواقع فراہم کرنے سے نئی نسل میں چھپی تمام صلاحتیں نکھر کر سامنے آتی ہیں،ان خیالات کا اظہار انہوں نے پنجاب کالج کینال کیمپس کی ڈرامائیٹک سوسائٹی کے افتتاح اور کالج کی 8ویں سالگرہ کی مشترکہ تقریب سے خطاب کرتے ہوئے کیا تقریب میں محفل مشاعرہ کا بھی اہتمام کیا گیا جس میں معروف شعراءکرام کفایت حسین اعوان،حسین مجروع،مسز عمران حیدر،پروفیسر کرامت شکیل،محمد اکرم باجوہ،سابق صدر پریس کلب احمد وسیم شیخ اور دیگر شعراءکرام نے اپنا کلام سنایا بعدازاں مہمان خصوصی عاصم بخاری نے پرنسپل پروفیسر مجید اکبر کے ہمراہ نوجوان فوٹو گرافر آفتاب نذیر(علی)،کالج سٹاف،مہمان شعراء اور دیگر شخصیات میں خصوصی ایوارڈ بھی تقسیم کیے۔
About Author
