وفاقی حکومت نے اپنے پیش کردہ بجٹ2018میں مزدوروں اور ملازمین کو کوئی ریلیف نہیں دیا ہے۔مرزا طارق

بورے والا(چوہدری اصغر علی جاوید سے)پنجاب ٹیچرز یونین کے مرکزی صدر رائے غلام مصطفیٰ ریاض اور مرکزی سیکرٹری نشرواشاعت مرزا طارق محمود نے کہا ہے کہ وفاقی حکومت نے اپنے پیش کردہ بجٹ2018 میں مزدوروں اور ملازمین کو کوئی ریلیف نہیں دیا ہے بلکہ یہ بجٹ مزدور اور ملازمین کش بجٹ ہے ملازمین کی تنخواہوں اور پنشن میں 10فیصد اضافہ اونٹ کے منہ میں زہرہ والی بات ہے بڑھتی ہوئی قیامت خیز مہنگائی کے پیش نظر تنخواہوں اور پنشن میں 10فیصد اضافہ ملازمین سے کھلا مذاق ہے جس کی ہم بھرپور مذمت کرتے ہیں،ان خیالات کا اظہار انہوں نے میڈیا کے نمائندوں سے گفتگو کرتے ہوئے کیا پنجاب ٹیچرز یونین کے مرکزی صدر رائے غلام مصطفےٰ ریاض،مرکزی سیکرٹری نشرواشاعت مرزا طارق محمود اور دیگر نے صوبائی حکومت پنجاب سے مطالبہ کیا ہے کہ 4مئی2018 کو پیش کیے جانے والے صوبائی بجٹ میں اساتذہ و ملازمین کے الاﺅنسز اور تنخواہ و پنشن میں سو فیصد اضافہ کیا جائے ورنہ پنجاب ٹیچرز یونین پنجاب بھر میں احتجاجی مظاہرے کرے گی اور وزیر اعلیٰ ہاﺅس اور پنجاب اسمبلی کا گھیراﺅ کیا جائے گا جس کی تمام تر ذمہ داری حکومت وقت پر عائد ہو گی۔