طلباء و طالبات کی ذہانت کے مطابق انکو ایمانداری سے انکا حق دینا ہماری ذمہ داری ہے۔ڈاکٹر فدا حسین

بورے والا(چوہدری اصغر علی جاوید سے)تعلیمی بورڈ ملتان کے ڈپٹی سیکرٹری فنانس و سیکریسی ڈاکٹر فدا حسین نے کہا کہ نئی نسل کا مستقبل اساتذہ دے وابسطہ ہے،طلباء و طالبات کی ذہانت کے مطابق انکو ایمانداری سے انکا حق دینا ہماری ذمہ داری ہے،امتحانی نتائج مرتب کرتے وقت انصاف کا ترازو نظر انداز نہیں کرنا چاہئے،اساتذہ پر یہ بھاری ذمہ داری عائد ہوتی ہے کہ امتحانی پرچوں کی مارکنگ کیلئے ایک یکساں نظام رائج ہے اسکے باوجود چند کالی بھیڑیں اپنی ذمہ داریوں سے غافل ہو کر دوران مارکنگ طلباء و طالبات کی حق تلفی کر کے ناانصافی کرتے ہیں جسکی مکمل روک تھام کے لیے بورڈ نے پرچوں کی مارکنگ کو مختلف مراحل سے گزارنے کا شفاف نظام وضع کیا ہے جس کے تحت امتحان میں حصہ لینے والے بچوں کو انکی قابلیت اور اہلیت کے مطابق نمبرز دیئے جاتے ہیں غیر معیاری پیپرز مارکنگ میں ملوث اساتذہ کے خلاف کاروائی کر کے انہیں بلیک لسٹ کر دیا گیا ہے تعلیمی بورڈ نے بچوں کی حق تلفی کا خاتمہ یقینی بنا نے کے لیے پیپر مارکنگ میں حصہ لینے والے اساتذہ کی تربیت کا کام شروع کیا ہے اس مقصد کے لیے تعلیمی بورڈ خطیر رقم خرچ کر رہا ہے چیک اینڈ بیلنس کا موثر نظام قائم کر دیا گیا ہے اس نظام کے تحت ہونے والی مارکنگ کو کسی بھی عدالت میں چیلنج نہیں کیا جا سکتا بچے ہمارا مستقبل ہیں اور ان سے ناانصافی پوری قوم سے ناانصافی ہوگی،ان خیالات کا اظہار انہوں نے گورنمنٹ پوسٹ گریجوایٹ کالج بورے والا میں ملتان بورڈ کے زیر اہتمام جوابی کاپیوں کی معیاری مارکنگ کو یقینی بنانے کے حوالہ سے ہیڈ ایگزامینرز اور سب ایگزامینرز کی تربیتی ورکشاپ سے خطاب کرتے ہوئے پرنسپل گورنمنٹ کالج جہانیاں ممبر ملتان بورڈ پروفیسر عیش محمد،پرنسپل گورنمنٹ کالج چوہدری محمد اشرف، پروفیسر جاوید اقبال،ماسٹر ٹرینرز ڈاکٹر ابرار احمد اور پروفیسر عقیل قریشی نے بھی خطاب کیا۔