جوا پولیس کا ہوا،تھانہ ماڈل ٹاﺅن پولیس کا جوئے کے سب بڑے اڈے پر چھاپہ،بھاری رقم غائب

بورے والا(چوہدری اصغر علی جاوید سے)”جوا پولیس کا ہوا“ تھانہ ماڈل ٹاﺅن پولیس کا جوئے کے سب بڑے اڈے پر چھاپہ،مختلف اضلاع سے آئے ہوئے 15سے زائد جواری داﺅ پر لگی 10لاکھ سے زائد کی رقم سمیت پولیس کے ہتھے چڑھ گئے،پولیس نے مقدمہ میں 3لاکھ سے بھی کم رقم کی برآمدگی ظاہر کر کے باقی رقم مبینہ طور پر غائب کر لی،بھاری رقم غائب ہونے پر جواری خود حیران،تفصیلات کے مطابق تھانہ ماڈل ٹاﺅن پولیس کو مخبر نے اطلاع دی کہ احاطہ شاہ نواز بستی میں محمد احمد ڈوگر نامی شخص کے ڈیرہ پر جوئے کا اڈا قائم ہے جہاں روزانہ مختلف اضلاع سے آنے والے مالدار جواری آکر جوا کھیلتے ہیں اس اطلاع پر تھانہ ماڈل ٹاﺅن پولیس نے جوئے کے اس بڑے اڈے پر بھاری نفری کے ہمراہ چھاپہ مارا تو جواریوں کی دوڑیں لگ گئیں تا ہم پولیس نے انہیں چاروں طرف سے گھیرا ڈال کر 15 سے زائد جواریوں کی داﺅ پر لگی لاکھوں روپے کی رقم سمیت موقع سے گرفتار کر لیا اور تھانہ میں پہنچنے سے قبل ہی برآمد ہونے والی رقم میں سے مبینہ طور پر لاکھوں روپے غائب ہو گئے گرفتار ہونے والوں میں محمد فاروق 66/12L،محمد شاہد 150/9L،سکندر سکنہ سندھلیانوالی،ناصر عباس،زاہد ایم بلاک عارفوالا،اللہ دتہ مرضی پورہ،محمد زاہد،محمد کاشف،غلام حسین،غلام رسول،محمد یوسف اور دلاور شامل ہیں انکے خلاف درج کے لیے مقدمہ میں صرف 2لاکھ 92ہزار640روپے کی برآمدگی ظاہر کی گئی ہے پولیس کی طرف سے مبینہ طور پر رقم غائب کیے جانے پر جواری بھی حیران رہ گئے اسکو کہتے ہیں ”جوا پولیس کا ہوا“۔