بیٹی کے اغوا میں شامل ہونے کا شبہ،لڑکی واپس آنے اور صلح کے بعد بااثر افراد کا محنت کش کے گھر پر دھاوا
بورے والا(چوہدری اصغر علی جاوید سے)بیٹی کے اغوا میں شامل ہونے کا شبہ،لڑکی واپس آنے اور صلح کے بعد بااثر افراد کا محنت کش کے گھر پر دھاوا،آتشیں اسلحہ اور ڈنڈوں سے مسلح افراد چادر چار دیواری کا تقدس پامال کرتے ہوئے گھر میں گھس کر خواتین اور بچوں پر تشدد کرتے رہے ،فائرنگ اور ڈنڈوں سے گھریلو املاک کو شدید نقصان،واقعہ کے بعد غریب متاثرہ خاندان کا ملزمان کے خلاف احتجاج،ملزمان دھمکیاں دیتے ہیں کہ گاﺅں چھوڑ جاﺅ ورنہ تمہارے گھروں کو آگ لگا دیں گے،متاثرہ خواتین کی دہائی،ملزمان جرائم پیشہ ہیں ہمیں ان سے جان کا خطرہ ہے،آئی جی پنجاب سے انصاف کے حصول کا مطالبہ،تفصیلات کے مطابق نواحی گاﺅں515 ای بی کے رہائشی محمد طیب قوم شیخ نے میڈیا کو بتایا کہ وہ گذشتہ روز اپنے اہل خانہ کے ہمراہ گھر پر موجود تھا کہ اچانک اُسی گاﺅں کے بااثر افراد اختر ولد جان محمد،محمد شہزاد،شہباز،فہیم اکرم،سرفراز،صغیراں بی بی،بلقیس بی بی اور اکرم عرف اکری اپنے دیگر 4نامعلوم ساتھیوں جو کہ آتشیں اسلحہ اور ڈنڈوں مسلح ہو کر چادر چار دیواری کا تقدس پامال کرتے ہوئے اُسکے گھر میں آ گھسے اور آتے ہی ملزمان نے فائرنگ کے علاوہ ڈنڈوں سے گھر کے دروازے اور کھڑکیوں کے شیشے توڑ نے کے علاوہ اسکی موٹر سائیکل کو بھی بری طرح تباہ کر دیا خواتین کے روکنے پر ملزمان انہیں بے پردہ کرکے اُن پر تشدد کرتے رہے اور دھمکیاں دیں کہ اگر تم نے گاﺅں نہ چھوڑا تو تمہارے گھروں کو آگ لگا دیں گے ملزمان اس دوران خواتین سے بدتمیزی بھی کرتے رہے محمد طیب نے بتایا کہ ملزمان کو رنج ہے کہ اختر تیلی کی بیٹی جو کہ مبینہ طور پر اغوا ہو گئی تھی اُسے میں نے اغواکروایا ہے ملزمان کے الزام کی وجہ سے میں نے اُنکی بیٹی جو اپنی مرضی سے گھر سے بھاگ گئی تھی جس کا حلفیہ بیان بھی اُس نے دے دیا اُسے تلاش کرواکے اُسکے ورثاء کے حوالے کر دیا تھا اور بعدازاں لڑکی والوں سے صلح بھی ہو گئی تھی لیکن ملزمان گاﺅں میں بہت بااثر ہیں ملزمان میں اکرم عرف اکری کے خلاف پہلے بھی چوری اور لڑائی جھگڑے کے مقدمات درج ہیں اور وہ اپنی طاقت کے نشہ میں ہمیں گاﺅں سے بیدخل کرنا چاہتے ہیں ملزمان نے دوران حملہ اسکی گھریلو املاک کو بھی شدید نقصان پہنچایا ہے واقعہ کی اطلاع پا کر پولیس موقع پر پہنچ گئی تھی اور ملزمان موقع سے فرار ہو گئے تھے محمد طیب نے ڈی پی او وہاڑی سے بااثر ملزمان کی اس مبینہ غنڈہ گردی کے خلاف فوری کاروائی اور اُنکی گرفتاری کا مطالبہ کیا ہے اس واقعہ کے بعد متاثرہ خاندان کی خواتین نے احتجاجی مظاہرہ کرتے ہوئے آئی جی پنجاب اور ڈی پی او وہاڑی سے تحفظ فراہم کرنے اور ملزمان کو گرفتار کر کے مقدمہ درج کرنے کا مطالبہ کیا۔
About Author
