موجودہ چیلنجز کے مقابلہ کیلئے کوثر مجید فاﺅنڈیشن کی خدمات کو رول ماڈل بنایا جا سکتا ہے۔راﺅ تسلیم اختر

بورے والا(چوہدری اصغر علی جاوید سے)اسسٹنٹ کمشنر بورے والا راﺅ تسلیم اختر نے کہا ہے کہ جس ملک میں تعلیم کی شرح میں اضافہ ہوتا ہے وہ ملک ترقی کی راہ پر گامزن ہوتے ہیں،سرکاری تعلیمی اداروں کے ساتھ ساتھ نجی تعلیمی ادارے بھی فروغ تعلیم میں جو کردار ادا کر رہے ہیں اور بالخصوص جو صاحب نصاب افراد اپنی گرہ سے یہ خدمت سر انجام دیتے ہیں وہ لائق تحسین ہیں، ہمیں ایسے لوگوں کی تقلید کر کے اسے مشعل راہ بنانا چاہیے،ان خیالات کا اظہار انہوں نے نواحی گاﺅں چک 203ای بی میں کوثر مجید فاﺅنڈیشن کے زیر اہتمام چلنے والے گرلز ماڈل ہائی سکول کی سالانہ تقریب ایوارڈ سے بطور مہمان خصوصی خطاب کرتے ہوئے کیا تقریب سے ڈی ایم او وہاڑی خضر حیات بھٹی،ڈپٹی ڈی ای او زنانہ عابد ہ اسلام،پرنسپل مسرت ضیاء،ڈاکٹر ایس اے ماجد سمیت دیگر مقررین نے بھی خطاب کیا اور شاندار روایات قائم کرنے پر فاﺅنڈیشن کے ڈائریکٹر شیخ شہزاد مبین کو خراج تحسین پیش کیا نقابت کے فرائض پروفیسر کرامت شکیل نے انجام دیئے ڈی ایم او خضر حیات بھٹی نے خطاب کرتے ہوئے کہا کہ موجودہ چیلنجز کے مقابلہ کے لیے کوثر مجید فاﺅنڈیشن کی خدمات کو رول ماڈل بنایا جا سکتا ہے کیونکہ ایسے لوگ جہالت کے اندھیروں میں روشنی کی کرن ہیں کوثر مجید فاﺅنڈیشن کے ڈائریکٹر شیخ شہزاد مبین نے خطاب کرتے ہوئے مہمانوں کا خیر مقدم کیا اور کہا کہ ہمیں تعلیم اور صحت کے شعبہ میں انقلابی اقدامات کرنا ہونگے ہماری فاﺅنڈیشن اللہ کی رضا اور مخلوق خدا کی خدمت کے جذبے کے تحت کسی صلہ کی تمنا رکھے بغیر اپنا کام کر رہی ہے ہم دنیا میں رہیں نہ رہیں مگر ہمار ے جذبے اور یہ ادارے ہمیشہ زندہ رہیں گے انہوں نے بتایا کہ کوثر مجید سکول سے ملحقہ یتیم ،لاوارث بچوں کی کفالت کے لیے 10گھروں پر مشتمل سویٹ ہوم تیار ہیں جس کا جلد ہی افتتاح ہو گا علاوہ ازیں کوثر مجید ویلفیئر ہسپتال بھی تکمیل کے مراحل میں ہے جہاں نادار اور مستحق مریضوں کا مفت علاج کیا جائے گا انہوں نے اس موقع پر مختلف دیہات کے سکولوں کیلئے 40الیکٹرک واٹر کولر بھی مہمانان خصوصی کے ہاتھوں تقسیم کروائے تقریب میں سی پی ایل سی کے چیئر مین سہیل صابر چوہدری، شیخ محمد ندیم،پروفیسر ظفر عبداللہ،ہیڈ ماسٹر محمد وکیل بھٹی،رفعت طاہر جمیل،میاں محمد اشرف ایڈووکیٹ،چوہدری ثناء اللہ گھمن،ڈاکٹر سہیل عزیز،عبدالرﺅف چوہدری سمیت نمائندہ شخصیات نے شرکت کی مہمان خصوصی نے اعلیٰ نتائج حاصل کرنے والی طالبات میں سرٹیفکیٹ اور انعامات تقسیم کیئے۔