چوہدری نثار اور شہباز شریف کی ملاقات میں اچھی پیش رفت ہوئی ہے (ن)لیگ میں کوئی دھڑے بندے نہیں۔سردار محمد یوسف

بورے والا(چوہدری اصغر علی جاوید سے)وفاقی وزیر مذہبی امور سردار محمد یوسف نے کہا ہے کہ (ن) لیگ کی حکومت نے حج پالیسی کو کرپشن فری بنایا ہے جبکہ سابقہ دور میں وفاقی وزیر مذہبی امور،سیکرٹری مذہبی امور اور ڈی جی حج نے کرپشن میں جیل کی ہوا کھائی،حکومت کی موجودہ حج پالیسی کے تحت 2لاکھ 70 ہزار کا سستا پیکیج دیا گیا ہے جسکے تحت اب کم پیسوں میں کھانے اور رہائش سمیت حجاج کو تمام تر سہولتیں فراہم ہونگی،شہباز شریف نے”کے پی کے“ کے مقابلہ میں پنجاب کو ترقی کے نئے دور میں داخل کیا جو لوگ میٹرو کو جنگلہ بس کا نام دے کر کرپشن کے الزامات لگاتے رہے آج خود انہوں نے پشاور شہر کو بری طرح اکھاڑ کر اسی منصوبے کی تقلید شروع کر دی ہے،نئی مردم شماری کے بعد حلقے زیادہ کی بجائے پنجاب میں کم ہو گئے اور ”کے پی کے“ میں نئے حلقوں کا اضافہ ہوا ہے،حلقہ بندیوں پر اعتراضات کے باوجود الیکشن بروقت ہونے چاہئیں،نواز شریف کے خلاف فیصلہ اگر آئین اور قانون سے ہٹ کر ہوا ہے تو کوئی بھی شخص یا ادارہ آئین و قانون سے ماورا نہیں،مسلم لیگ(ن) عدلیہ اور دیگر اداروں کا مکمل احترام کرتی ہے،عدالتی فیصلوں کے خلاف بولنے کا ہر کسی کو حق حاصل ہے اگر وہ قانون اور آئین سے ہٹ کر ہوئے ہوں،چوہدری نثار اور شہباز شریف کی ملاقات میں اچھی پیش رفت ہوئی ہے (ن)لیگ میں کوئی دھڑے بندے نہیں،چیئرمین سینٹ کے متعلق وزیر اعظم کا بیان آئین و قانون کے مطابق ہے سینٹ الیکشن میں عوام کے ووٹ سے خیانت کرنے والے قومی مجرم ہیں،عدالتوں کو اس بات کا نوٹس لینا چاہئے،ان خیالات کا اظہار انہوں نے وفاقی پارلیمانی سیکرٹری قانون و انصاف چوہدری نذیر احمد آرائیں کے دفتر میں میڈیا کے نمائندوں سے گفتگو کرتے ہوئے کیا اس موقع پر چیئرمین بلدیہ چوہدری محمد عاشق آرائیں،چوہدری عبدالمجید نمبردار،چوہدری محمد صغیر رامے، مسلم لیگی راہنماء چوہدری رضوان عابد،چوہدری عمیر سالار،میڈیا کوارڈینٹر محمد اسلم جمال اور دیگر نمائندہ شخصیات بھی موجود تھیں بعدازاں وفاقی وزیر نے چیئرمین بلدیہ چوہدری محمد عاشق آرائیں کی طرف سے بلدیہ میں ظہرانے سے قبل کونسلروں سے گفتگو میں کہا کہ کشمیر میں بھارتی فوج کی بربریت ایک شرمناک فعل ہے 20 بے گناہ کشمیری نوجوانوں کی شہادت نے بھارت کا سفاکانہ چہرہ بے نقاب کر دیا ہے بھارتی مسلمانوں کو حق خود اردادیت کے لئے آواز بلند کرنے پر بھارت کی ظالمانہ کاروائیاں پوری دنیا کے سامنے ہے اب دنیا بھر کے مسلمانوں اور اقوام متحدہ کو اس ظلم و بربریت پر خاموش نہیں رہنا چاہئے اس موقع پر ایم این اے چوہدری نذیر احمد آرائیں، اسسٹنٹ کمشنر بورے والا راﺅ تسلیم اختر،سردار ظہور احمد ڈوگر،میاں خالد حسین،چوہدری محمد علی،ثناءاللہ رحمانی،محمد جمیل شاہد،ایاز محمود گھمن،ضلعی صدر انجمن تاجران محمد جمیل بھٹی، چوہدری رضوان عابد آرائیں اور دیگر نمائندہ شخصیات بھی موجود تھیں دریں اثناء وفاقی وزیر نے بورے والا بار میں بھی وکلاء سے خطاب کیا اور بار کے احاطہ میں پودا بھی لگایا اس موقع پر صدر بار میاں افتخار احمد صابر،جنرل سیکرٹری رانا محمد سلیم،سردار ظہور احمد ڈوگر،مبین احمد بھٹی،سابق صدر بار جاوید شاہین،محمد صدیق دیول اور دیگر وکلاء بھی موجود تھے وفاقی وزیر نے بورے والا بار کی طرف سے فنڈز کے حصول کیلئے وفاقی حکومت دی گئی درخواست پر فنڈز جلد منظور کرونے کی بھی یقین دہانی کروائی۔