قائد اعظم کے خواب اور نظریے کے مطابق نیا پاکستان بنانے کیلئے پوری قوم کو باہر نکلنا ہو گا۔خالد چوہان،فاروق اعوان،اعجاز اسلم
بورے والا(چوہدری اصغر علی جاوید سے)پاکستان تحریک انصاف کے ضلعی صدر سابق ایم پی اے چوہدری خالد محمود چوہان نے کہا ہے کہ 23مارچ1940 کو قرار داد پاکستان کے ذریعہ اس ملک کی بنیاد رکھی اور پاکستان معرض وجود میں آیا لیکن قیام پاکستان کے بعد ملک کو کرپٹ سیاستدانوں اور چند خاندانوں نے آج اس دوراہے پر لا کھڑا کیا ہے کہ آج ایک مرتبہ پھر نئے پاکستان کی بنیاد رکھنا ضروری ہے اور آج ہم عہد کریں کہ ہم عمران خان کی قیادت میں اس نئے پاکستان کے قیام تک چین سے نہیں بیٹھیں گے اور آج کے روز یہ فیصلہ بھی کرنا ہے کہ ہم نے ملک بچانے والوں کا ساتھ دینا ہے یا اپنی نسلیں بچانے والوں کے ساتھ کھڑے رہنا ہے برادری ازم او ر ذاتی تعلقات سے بالاتر ہو کر ملک بچانے کے لیے آئندہ الیکشن میں تحریک انصاف کو کامیاب کر کے عمران خان کو وزیر اعظم بنانا ہے،ان خیالات کا اظہار انہوں نے پی ٹی آئی سٹی بورے والا کے زیر اہتمام منعقدہ ورکرز کنونشن سے خطاب کرتے ہوئے کیا اس کنونشن کی صدارت سٹی صدر ملک فاروق احمد اعوان نے کی تقریب سے خطاب کرتے ہوئے سپورٹس اینڈ کلچرل فیڈریشن جنوبی پنجاب کے صدر چوہدری اعجاز اسلم،سٹی صدر ملک فاروق اعوان،بلدیہ بورے والا کے اپوزیشن لیڈر غلام مصطفی بھٹی،ضلعی صدر انصاف لائر فورم چوہدری مختار احمد جٹ،ضلعی صدر خواتین ونگ صائمہ نورین اور کشف العارفین غوری نے کہا کہ قرار داد پاکستان اس نظریے اور سوچ کا نام ہے جس نے برصغیر کے مسلمانوں کیلئے ایک آزاد اسلامی فلاحی ریاست کی بنیاد رکھی لیکن افسوس کے ہمارے حکمرانوں نے اس سوچ اور نظریے کو اپنی کرپشن اور بداعمالیوں کی نظر کر کے اس ملک کو نازک صورتحال سے دوچار کر دیا آج کا پاکستان قائد اعظم کا پاکستان نہیں بلکہ چوروں،لٹیروں اور غاصبوں کا پاکستان ہے بن چکا ہے جسے قائد اعظم کے خواب اور نظریے کے مطابق نیا پاکستان بنانے کیلئے پوری قوم کو باہر نکلنا ہو گا اور ان ظالموں کے شکنجے سے ملک کو آزاد کروانا ہو گا ورکرز کنونشن سے محمد طیب فریدی،ملک امتیاز احمد،عاقب اعجاز بھٹی اور دیگر راہنماﺅں نے بھی خطاب کیا۔
About Author
