نامعلوم ڈاکوﺅں کی شہر میں تاجروں سے یکے بعد دیگرے ڈکیتی کی مختلف وارداتیں،تاجر سراپا احتجاج

بورے والا(چوہدری اصغر علی جاوید سے)3 نامعلوم ڈاکوﺅں کی شہر میں تاجروں سے یکے بعد دیگرے ڈکیتی کی مختلف وارداتیں،لاکھوں روپے کی نقدی اور موبائل فون چھین کر فرار پولیس نے تعاقب کر کے بین الضلاعی ڈاکو گینگ کے ایک ایک ساتھی کو اسلحہ اور لوٹی ہوئی رقم سمیت زخمی حالت میں گرفتار کر لیا،تفصیلات کے مطابق مرضی پورہ گلی نمبر3 میں گزشتہ شب 10بجے کے قریب آتشیں اسلحہ سے مسلح موٹر سائیکل پر سوار 3 نامعلوم ڈاکو لاہور سپر سٹور پر آ گئے اور شاپنگ سنٹر کے مالک نعیم اللہ سے 50ہزار کی نقدی اور وہاں پر کھڑے گاہکوں محمد ریاض،اظہر وغیرہ سے نقدی و موبائل فون چھین کر فرار ہو گئے واردات کے تھوڑی ہی دیر بعد ڈاکو لاہور روڈ پر فوارہ چوک میں واقع فریش ویل بیکری پر آ گئے اور مالک سعید و دیگر افراد سے ہزاروں روپے کی نقدی،موبائل فون اور پسٹل چھین کر فرار ہو گئے ایس ایچ او تھانہ ماڈل ٹاﺅن مہر ریاض سیال نے موٹر سائیکل پر ان نامعلوم مسلح افراد کو مشکوک جان کر ان کا پیچھا شروع کیا تو ڈاکو ایک جگہ پر موٹر سائیکل پھسل جانے کی وجہ سے نیچے گر گئے اور وہاں پر لوٹی ہوئی کچھ رقم اور اسلحہ گر گیا مگر ڈاکو وہاں سے پھر فرار ہو گئے ڈی ایس پی ملک طاہر مجید نے سرکل میں ناکہ بندی کر کے ڈاکوﺅں کی تلاش شروع کر دی کہ ڈاکو دوبارہ تھانہ فتح شاہ لڈن روڈ پر اپنے اسلحہ سمیت شہریوں کو لوٹنے کیلئے منصوبہ بندی کر رہے تھے کہ پولیس موقع پر پہنچ گئی پولیس نے ڈاکوﺅں کا تعاقب کرتے ہوئے اپنی گاڑی ڈاکوﺅں کے موٹر سائیکل سے ٹکرا دی جس سے ایک ڈاکو جس کا نام غفار جبھیل سکنہ تھانہ بخشن خاں بتایا جاتا ہے یہ ڈاکو مختلف اضلاع کی پولیس کو درجنوں وارداتوں میں مطلوب تھا کو زخمی حالت میں گرفتار کر لیا ڈاکو کو زخمی حالت میں نشتر ہسپتال ملتان علاج کیلئے ریفر کر دیا گیا ہے جبکہ پولیس ڈاکو کے دیگر دو ساتھیوں کی تلاش میں مختلف جگہوں پر چھاپے مار رہی ہے شہریوں کی مختلف تنظیموں اور تاجر راہنماﺅں محمد جمیل بھٹی، چاچا محمد اسلم،صغیر رامے و دیگر نے واردات کے بعد ڈاکو کی فوری گرفتاری پر ڈی ایس پی بورے والا کی کارکردگی کو سراہا۔