تین مرتبہ وزیر اعظم رہنے والے اپنے ملک کے اداروں کے خلاف گھناﺅنا کھیل کھیل رہے ہیں۔بلاول بھٹو زرداری
بورے والا(چوہدری اصغر علی جاوید سے)پیپلز پارٹی کے چیئرمین بلاول بھٹو زرداری نے کہا ہے کہ میاں نواز شریف کی یہ پالیسی میں نہیں تو کوئی نہیں ملک اور قوم کے لیے زہر قاتل ہے،تین مرتبہ وزیر اعظم رہنے والے اپنے ملک کے اداروں کے خلاف گھناﺅنا کھیل کھیل رہے ہیں جس کا رزلٹ عوام انکو 2018 کے انتخابات میں دیں گے،ان خیالات کا اظہار انہوں نے گذشتہ شب قائد اعظم سپورٹس سٹیڈیم میں پیپلز پارٹی کی رکنیت سازی مہم کی تقریب کے موقع پر ہولوگرام ٹیکنالوجی کے ذریعے پیپلز پارٹی کے ورکروں،کارکنوں اور عہدیداروں سے خطاب کرتے ہوئے کیا اس موقع پر پیپلز پارٹی جنوبی پنجاب کی فنانس سیکرٹری محترمہ شگفتہ چوہدری،پیپلز پارٹی ضلع وہاڑی کے جنرل سیکرٹری سید اعجاز حسین شاہ،پیپلز پارٹی سٹی کے صدر طاہر سلیم چوہدری، جنرل سیکرٹری محمد سلیم قریشی،ضلعی صدر پیپلز لیبر بیورو چوہدری بشیر احمد باجوہ،سینئر نائب صدر بابا محمد یعقوب لنگاہ،نائب صدر تحصیل وہاڑی محمد حسین،تحصیل صدر وہاڑی ریحان غازی، تحصیل صدر محمد عاصم بھٹی،ضلعی سیکرٹری تعلقات عامہ شوکت مرزا،چوہدری فیاض عظیم،اکرم ٹکا،منیر اسلم ترین کے علاوہ کارکنوں اور خواتین کی کثیر تعداد موجود تھی بلاول بھٹو زرداری نے کہا کہ پیپلز پارٹی نے ہمیشہ ملکی مفادات کی سیاست کی ہے جبکہ میاں برادران نے کہا کہ پیپلز پارٹی نے ہمیشہ ملکی مفادات کی سیاست کی ہے جبکہ میاں برادران نے ذاتی مفادات کی سیاست کو ترجیح دی ہے ہم نے انکو سینٹ کے چیئرمین اور وائس چیئرمین کے انتخابات میں شکست دیکر انکے بیانیہ روک سکو تو روک لو کو روک کر غلط ثابت کیا ہے اور انشاءاللہ 2018 کے انتخابات میں بھی روکیں گے۔
About Author
