اے ٹی آئی نے ہمیشہ ملکی سلامتی،اسکے دفاع اور امن کے قیام میں فرنٹ لائن کا کردار ادا کیا ہے۔نعمان الجبار
بورے والا(چوہدری اصغر علی جاوید سے)انجمن طلباء اسلام پاکستان کے مرکزی صدر و متحدہ طلباء محاذ کے صدر برادر نعمان الجبار نے کہا ہے کہ انجمن طلباء اسلام نے ہمیشہ ملکی سلامتی، اسکے دفاع اور امن کے قیام میں فرنٹ لائن کا کردار ادا کیا ہے،تحریک نظام مصطفےٰ ہو یا تحریک ختم نبوت اے ٹی آئی کے کارکنان نے ہمیشہ اپنی جانوں کے نذرانے پیش کیے،آئندہ بھی جب کبھی نفاذ نظام مصطفےٰ اور ملکی سلامتی کیلئے قربانیوں کی ضر ورت پڑی تو انجمن طلباء اسلام کے لاکھوں عاشقانِ رسول اپنی جانوں کے نذرانے پیش کرنے سے بھی دریغ نہیں کریں گے،اے ٹی آئی نے تعلیمی اداروں میں طلباء کو عشق مصطفےٰ کا درس دیا اور انہیں ایک سچا اور پکا عاشق رسول بنانے میں اہم کردار ادا کیا ہے،امن کی شمع روشن کر کے تعلیمی اداروں کو امن کا گہوار بنایا ہے، ان خیالات کا اظہار انہوں نے افتخار شہید کی 41ویں برستی کے موقع پر مقامی ہوٹل میں منعقدہ تقریب سے خطاب کرتے ہوئے کیا تقریب کی صدارت سابق ضلعی ناظم صداقت خاں نے کی جبکہ اس موقع پر صدر بار میاں افتخار صابر،سابق ایم پی اے ملک نوشیر احمد خاں لنگڑیال،ناظم پنجاب معظم شہزاد ساہی،صوبائی جوائنٹ سیکرٹری نور المصطفیٰ رضوی،ناظم ڈویژن فیصل آباد عرفان سمل،سابق مرکزی فنانس سیکرٹری اظہر حسین گھمن،تحصیل ناظم کاشف بھٹی،رانا حیدر،سلیمان بھٹی،عامر بغداد،محسن کنڈ،صدف بھٹی،ملک حسن،نبیل بھٹی،حمزہ ڈوگر،زین خاں،گل شیر خان،شفیق بھٹی،اکرام بھٹی،ملک شانی سمیت طلباء کی کثیر تعداد نے شرکت کی۔
About Author
