پیپلز پارٹی آئندہ انتخابات میں کامیابی کیلئے بھرپور طریقہ سے متحرک ہے۔شگفتہ چوہدری

بورے والا(چوہدری اصغر علی جاوید سے)پیپلز پارٹی جنوبی پنجاب کی فنانس سیکرٹری و امیدوار قومی اسمبلی محترمہ شگفتہ چوہدری نے کہا ہے کہ پیپلز پارٹی کے چیئرمین آصف زرداری اور چیئرمین بلاول بھٹو زرداری کی بہترین حکمت عملی اور سیاسی بصیرت سے انکے نامزد کردہ پینل نے سینٹ کے انتخابات میں چیئرمین صادق سنجرانی اور ڈپٹی چیئرمین سلیم مانڈوی والا نے تاریخی کامیابی حاصل کی ہے حکومتی اتحاد کے امیدواروں کو بڑی شکست سے دوچار کیا ہے،ان خیالات کا اظہار انہوں نے گذشتہ روز پریس کلب میں نومنتخب عہدیداروں کو کامیابی پر مبارکباد دینے کے بعد میڈیا اور کارکنان سے گفتگو کرتے ہوئے کیا اس موقع پر پیپلز پارٹی کے سٹی صدر طاہر سلیم چوہدری،جنرل سیکرٹری سلیم قریشی،ضلعی سیکرٹری تعلقات عامہ (ر)ڈی ایس پی شوکت مرزا،سید بدر منیر شاہ،ملک محمد انور،تحصیل صدر محمد عاصم بھٹی،ملک امیر کھوکھر،نائب صدر امین انجم، رشید ڈوگر،اکرم ٹکا،عبدالمجید،رحیم بخش،فضل کریم،اقبال نازر اور سیکرٹری اطلاعات شیخ جاوید اقبال بھی موجود تھے انہوں نے کہا کہ پیپلز پارٹی چیئرمین آصف علی زرداری اور چیئرمین بلاول بھٹو زرداری کی قیادت میں پیپلز پارٹی آئندہ انتخابات میں کامیابی کے لیے بھرپور طریقہ سے متحرک ہے کارکنوں اور ورکروں کو متحد اور منظم کیا جا رہا ہے اور وہ پی پی کے ناراض کارکنوں کو انکے گھروں میں جا کر منائیں گے۔