سپورٹس فیسٹیول کا مقصد بچوں کو تفریح کے ساتھ ان کے اندر موجود صلاحیتوں کو اجاگر کرنا ہے۔سید حماد گیلانی
بورے والا(چوہدری اصغر علی جاوید سے)اسپائرگروپ آف کالجز کیمپس بورے والا میں دو روزہ اسپائر سپورٹس فیسٹیول2018 کا انعقاد کیا گیا،سپورٹس فیسٹیول کے پہلے روز طالبات کے دو گروپس بنائے گئے جس میں ریڈ ہاﺅس اور بلیو ہاﺅس کے نام سے بنائی گئیں ٹیموں نے کرکٹ،فٹ بال ،بیڈ منٹن،نیزابازی،رسہ کشی،چار سو میٹر ریس،سیک ریس اور ڈسک تھرو کے مقابلہ میں حصہ لے کر شاندار کھیل کھیلنے کا مظاہرہ کیا پہلے روز بلیو ہاﺅس کی ٹیم فاتح قرار پائی دوسرے روز طلباء کی ریڈ ہاﺅس اور بلیو ہاﺅس کی ٹیمیں میدان میں اتریں اور بہت سی گیمز میں حصہ لے کر اپنی صلاحیتوں کا لوہا منوایا طلباء میں ریڈ ہاﺅس کی ٹیم نے میدان مار لیا جس کے بعد فسٹ پوزیشن حاصل کرنے والی ٹیمز کو ٹرافیز اور دوسرے نمبر پر آنے والی ٹیموں کو کالج انتظامیہ کی جانب سے انعامات دئیے گئے اسپائر کالج کے پرنسپل سید حماد گیلانی نے طلباء و طالبات میں انعامات تقسیم کیے اس موقع پر پرنسپل حماد گیلانی نے خطاب کرتے ہوئے کہا کہ جہاں بچوں کو آگے بڑھنے کیلئے نصابی سرگرمیوں کی ضرورت ہوتی ہے وہی جسمانی اور ذہنی نشوونما کے لیے غیر نصابی سرگرمیاں کی بھی اشد ضرورت ہے ہمارا سپورٹس فیسٹیول کرانے کا مقصد بچوں کو تفریح کے ساتھ ان کے اندر موجود صلاحیتوں کو بھی اجاگر کرنا ہوتا ہے طلباء و طالبات اس فیسٹیول سے بہت زیادہ مطعمن اور خوش نظر آئے ہماری کوشش ہے کہ آئندہ بھی سٹوڈینٹس کے لیے ایسے مواقع فراہم کریں گے انہوں نے مزید کہا کہ ہمارے کالج میں ہونے والا سپورٹس فیسٹیول بہت اچھا اور کامیاب رہا ہے جس میں کالج کے پورے سٹاف کی لگن اور محنت شامل تھی۔
About Author
