تھانہ صدر پولیس نے سنگین وارداتوں میں ملوث خطرناک جرائم گروہ کے سرغنہ سمیت چار ارکان کو گرفتار کر لیا

بورے والا(چوہدری اصغر علی جاوید سے)تھانہ صدر پولیس نے ڈکیتی،راہزنی اور دیگر سنگین وارداتوں میں ملوث خطرناک جرائم گروہ کے سرغنہ سمیت چار ارکان کو گرفتار کر لیا،ملزمان سے 10موٹر سائیکلیں،ڈیڑھ لاکھ سے زائد کی نقدی،موبائل فونز اور بھاری مقدار میں ناجائز اسلحہ برآمد، گروہ کے ارکان 13مختلف مقدمات میں ملوث ہیں اور اس گروہ نے علاقہ میں ڈکیتی و راہزنی کی وارداتوں سے خوف و ہراس پھیلا رکھا تھا ڈی ایس پی سرکل بورے والا طاہر مجید ملک نے تھانہ صدر بورے والا میں ہنگامی پریس کانفرنس کے دوران میڈیا کو تفصیلات بیان کرتے ہوئے بتایا کہ بورے والا میں گذشتہ کئی ماہ سے چوری ڈکیتی کی وارداتیں بہت زیادہ ہو رہی تھیں جن کو روکنے کیلئے تھانہ صدر پولیس سمیت سرکل کے تمام تھانوں کو خصوصی ہدایات جاری کی گئی تھیں تھانہ صدر پولیس ڈکیت عاطوگینگ کو ٹریس کر کے اس میں شامل ملزمان عاطف مراد عرف عاطو سکنہ 197ای بی،اعجاز فرید عرف ثومی اور محمد سلیم عرف سلیمو کو گرفتار کر کے ان کے قبضہ سے 10عدد موٹر سائیکل 4عدد موبائل اور 1لاکھ 60ہزار کی نقدی برآمد کر لی پریس کانفرنس میں موٹر سائیکلوں کی چابیاں اور نقدی اصل مالکان کے حوالے کر دی گئیں پریس کانفرنس میں یوسی چیئرمین پیر عامر ممتاز چشتی نے تحفظات کا اظہار کرتے ہوئے کہا کہ اس گینگ کا سرغنہ محمد عرفان سکنہ 413ای بی ہے اور پولیس ابھی تک اس کو گرفتار نہیں کر سکی ہے جو کہ پولیس کی کارکردگی پر ایک سوالیہ نشان ہے پریس کانفرنس سے صدر بار میاں افتخار احمد صابر،صدر مرکزی انجمن تاجران محمد جمیل بھٹی و دیگر نے بھی خطاب کیا اور پولیس کی کارکردگی کو سراہتے ہوئے پولیس کے اعلیٰ حکام سے ڈکیت گینگ پکڑنے والے پولیس ملازمین کیلئے خصوصی انعامات دینے کا مطالبہ کیا۔