محکمہ صحت پنجاب کے زیر اہتمام ٹی ایچ کیو ہسپتال میں دوسرا صحت میلہ شروع ہو گیا

بورے والا(چوہدری اصغر علی جاوید سے)محکمہ صحت پنجاب کے زیر اہتمام تحصیل ہیڈ کوارٹر ہسپتال بورے والا میں دوسرا صحت میلہ شروع ہو گیا،ہسپتال میں لگائے گئے کیمپ کا افتتاح اسسٹنٹ کمشنر بورے والا راﺅ محمد تسلیم اختر نے فیتہ کاٹ کر کیا اس موقع پر میڈیکل سپرٹنڈنٹ ڈاکٹر محمد امجد شکیل،ڈپٹی ڈی ایچ او ڈاکٹر محمد اکرم رانا،ڈپٹی ایم ایس ڈاکٹر محمد عمران بھٹی، ڈاکٹر منیر احمد سندھو،تحصیل ہیلتھ کونسل کے ارکان محمد جمیل بھٹی،شیخ شہزاد مبین کے علاوہ سماجی راہنما قیصر نذیر چوہدری بھی موجود تھے اسسٹنٹ کمشنر نے صحت میلہ میں لگائے گئے مختلف بیماریوں کے ٹیسٹ کاﺅنٹرز کا معائنہ کیا اور وہاں موجود عملہ سے ملنے والی سہولتوں، ادویات اور مریضوں کے بارے میں معلومات حاصل کیں پروکیورمنٹ آفیسر ٹی ایچ کیو میڈم مائدہ ظفر نے بتایا کہ اس ہیلتھ میلے کے تمام اخراجات تحصیل ہیڈ کوارٹر ہسپتال کے فنڈز سے کئے جا رہے ہیں ایم ایس ڈاکٹر امجد شکیل نے بریفنگ کے دوران بتایا کہ محکمہ صحت پنجاب کی خصوصی ہدایت پر لگایا گیا یہ دوسرا صحت میلہ ایک ہفتے تک جاری رہے گا جس میں ہیپاٹائٹس بی،سی،شوگر، ٹی بی،حاملہ خواتین کے مفت ٹیسٹ اور علاج معالجہ کی سہولت موجود ہو گی۔