وزیر اعلیٰ پنجاب میاں محمد شہباز شریف کے جلسہ کی جھلکیاں،پولیس کے فول پروف انتظامات
بورے والا(چوہدری اصغر علی جاوید سے)وزیر اعلیٰ پنجاب میاں شہباز شریف کے جلسہ کی جھلکیاں،کالج گراﺅنڈ جلسہ گاہ عوام سے کھچا کھچا بھرا ہوا تھا،پولیس اور مقامی انتظامیہ نے سیکورٹی کے فول پروف انتظامات کیے ہوئے تھے،ممبران قومی و صوبائی اسمبلی اور امیدواران الگ الگ ٹولیوں کی شکل میں جلسہ گاہ پہنچے،جلسہ گاہ میں سب سے بڑا جلوس ایم پی ا ے چوہدری ارشاد احمد آرائیں کی قیادت میں جلسہ گاہ پہنچا،چوہدری ارشاد احمد آرائیں نے جلسہ میں شریک اپنے کارکنوں میں لنچ باکس اور فروٹ تقسیم کیا کارکن ڈھول کی تھاپ پر بھنگڑے ڈالتے رہے،میاں شہباز شریف کا ہیلی کاپٹر 3بج کر 15منٹ پر بورے والا کی فضا میں داخل ہوا جلسہ گاہ کا چکر کاٹا لیگی کارکنوں نے ہاتھ ہلا کر میاں شہباز شریف کا استقبال کیا ہیلی پیڈ پر میاں شہباز شریف کا استقبال کمشنر ملتان ڈویژن بلال احمد بٹ،آر پی او ادریس احمد،صوبائی وزیر خواجہ عمران نذیر،ڈی پی او وہاڑی عمر سعید ملک اور ڈپٹی کمشنر علی اکبر بھٹی و دیگر نے کیا،میاں شہباز شریف 3بج کر25منٹ پر جلسہ گاہ پہنچے ممبران قومی و صوبائی اسمبلی نے ان کا استقبال کیا سٹیج پر ایم پی اے چوہدری ارشاد احمد آرائیں،امیدوار صوبائی اسمبلی چوہدری عمران ارشاد،رانا مشہود احمد خاں،محترمہ تہمینہ دولتانہ،میاں ثاقب خورشید،میاں عرفان دولتانہ،سعید احمد منہیس و دیگر ممبران قومی و صوبائی اسمبلی موجود تھے،جلسہ گاہ میں صحافیوں کے لیے مختص کرسیوں پر(ن)لیگی کارکنان کا قبضہ انتظامیہ تماشائی بنی رہی،صحافیوں نے ساڑھے 3گھنٹے کھڑے ہو کر جلسہ کی کوریج کی،میاں شہباز شریف کی طرف سے اعلان کیے گئے ترقیاتی منصوبے آئندہ الیکشن میں کامیابی سے مشروط کر دیئے،میاں شہباز شریف نے جلسہ گاہ میں مکمل ہو نے والے اور جاری ترقیاتی منصوبوں کی تختیوں کی نقاب کشائی کی،جلسہ ختم ہوتے ہی پی ٹی آئی کے چند کارکنان سٹیج پر چڑھ گئے اور گو نواز گو کے نعرے لگاتے رہے انتظامیہ منہ تکتی رہ گئی،جلسہ گاہ کے شرکاء مختلف اخبارات میں شائع ہونے والے میاں شہباز شریف کے استقبالیہ اشتہارات کا مطالعہ کرتے رہے،جلسہ گاہ میں کارکنان کی سب سے بڑی ریلی لے کر آنے والے ایم پی اے چوہدری ارشاد احمد آرائیں کو مائیک پر بولنے کے لیے ایک مخصوص لابی کی مبینہ سازش کے تحت صرف 50سیکنڈ کا وقت دیا گیا جس پر لیگی کارکنوں نے سخت برہمی کا اظہار کیا،چیئرمین بلدیہ چوہدری محمد عاشق نے میاں شہباز شریف کوپنجاب کی روایتی پگڑی پہنائی۔
About Author
