مختلف علاقوں سے وزیر اعلیٰ کے جلسہ میں شرکت کیلئے آنے والے قافلوں کی راہنمائی کی جائے۔رانا مشہود احمد

بورے والا(چوہدری اصغر علی جاوید سے)صوبائی وزیر تعلیم رانا مشہود احمد خان نے کہا ہے کہ عوام حکومت پنجاب کے ترقیاتی اور فلاحی منصوبوں کے ثمرات سے مستفید ہو رہے ہیں یہی وجہ ہے کہ لوگوں کا موجودہ حکومت پر بھر پور اعتماد ہے،وزیر اعلیٰ پنجاب میاں محمد شہباز شریف دن رات عوام کی خدمت کر رہے ہیں،لوگ وزیر اعلیٰ کا بورے والا آمد پر والہانہ استقبال کریں گے اور ثابت کریں گے انہیں اپنی قیادت سے کس قدر محبت ہے،وزیر اعلیٰ کے دورہ بورے والا کے تمام انتظامات کو حتمی شکل دی جا رہی ہے تمام متعلقہ ادارے سیکورٹی اور دیگر معاملات کو احسن طریقے سے انجام دیں،ان خیالات کا اظہار انہوں نے بورے والا ریسٹ ہاﺅس میں ضلعی انتظامیہ، ممبران قومی و صوبائی اسمبلی اور مختلف وفود سے گفتگو کرتے ہوئے کیا اس موقع پر ڈپٹی کمشنر وہاڑی علی اکبر بھٹی،ڈسٹرکٹ پولیس آفیسر عمر سعید ملک،اراکین قومی و صوبائی اسمبلی چوہدری نذیر احمد آرائیں،سید ساجد مہدی سلیم شاہ،چوہدری ارشاد احمد آرائیں،چوہدری محمد یوسف کسیلیہ، بلال اکبر بھٹی اور چیئرمین بلدیہ چوہدری محمد عاشق آرائیں،وائس چیئرمین بلدیہ حاجی محمد افتخار بھٹی،وائس چیئرمین ضلع کونسل رانا شاہد سرور،چیئرمین یوسی چوہدری محمد اسحاق،سیاسی و سماجی شخصیت رانا طاہر کریم،کونسلر بلدیہ ظہور احمد ڈوگر بھی موجود تھے صوبائی وزیر رانا مشہود احمد خان نے کہا کہ وزیر اعلیٰ پنجاب کی بورے والا آمد کے موقع پر بہترین ٹریفک پلان ترتیب دیا جائے تاکہ لوگوں کو کسی قسم کی مشکلات کا سامنا نہ کرنا پڑے اور ٹریفک پلان کے بارے میں عوام کو آگاہ بھی کیا جائے سیکورٹی کے انتظامات اعلی درجہ کے ہونے چاہئیں موجود ہ حالات کے پیش نظر سیکورٹی فول پروف بنائی جائے پولیس عوام سے حسن سلوک سے پیش آئے اور سیکورٹی کیمرے نصب کئے جائیں تاکہ کسی بھی قسم کے ناخوشگوار واقع سے بچا جاسکے انہوں نے مزید کہا کہ مختلف علاقوں سے وزیر اعلیٰ کے جلسہ میں شرکت کیلئے آنے والے قافلوں کی باقاعدہ راہنمائی کی جائے تاکہ وہ مقررہ پارکنگ پر اپنی گاڑیاں پارک کریں اور جلسہ گاہ میں آئیں کسی بھی سڑک کو بلاک نہ ہونے دیا جائے تاکہ ٹریفک کی روانی میں کوئی خلل نہ آئے اور جلسہ میں شرکت کیلئے آنے والوں کیلئے پبلک واش روم بھی بنایا جائے اور وزیر اعلیٰ کے روٹ کے راستے کی سیکورٹی کو بھی یقینی بنایا جائے انہوں نے مزید کہا کسی قسم کی ایمرجنسی سے نمٹنے کیلئے تحصیل ہیڈ کوارٹر ہسپتال میں مکمل انتظامات کئے جائیں اور جلسہ گاہ میں فرسٹ ایڈ کا سامان ہونا چاہیے اسی طرح ایک کنٹرول روم بنایا جائے جو تمام سرگرمیوں کو مانیٹر کرے اور جلسہ گاہ میں لو گوں کیلئے پینے کے پانی کا انتظام کیا جائے۔