شیخ شہزاد مبین ہمارے شہر کا فخر ہیں اور اُنکی سماجی خدمات قابل رشک ہیں۔شاہد مہدی نسیم،زاہد اقبال چوہدری
بورے والا(چوہدری اصغر علی جاوید سے)معروف سماجی شخصیت شیخ شہزاد مبین کی جانب سے غریب اور مستحق 19جوڑوں کی اجتماعی شادیوں کا انعقاد،مفلس اور نادار گھرانوں کی 19بچیاں شادی کے بندھن میں بندھ گئیں،تقریب میں سیاسی و سماجی اور دیگر نمائندہ شخصیات کی شرکت، تفصیلات کے مطابق بورے والا میں کروڑو روپے کے رفاحی منصوبے چلانے والی معروف سماجی شخصیت شیخ شہزاد مبین اور اُنکے دیگر رفقاءکار کی جانب سے حسب روایت مختلف علاقوں سے تعلق رکھنے والی19غریب،مفلس اور نادار بچیوں کی اجتماعی شادی کی تقریب کا اہتمام مقامی شادی ہال میں کیا گیا جس میں سابق وفاقی وزیر سید شاہد مہدی نسیم،ضلع کونسل کے اپوزیشن لیڈر چوہدری زاہد اقبال،مسلم لیگ(ن) سکارٹ لینڈ کے راہنما فخر اقبال چوہدری،مسلم لیگی راہنما چیئرمین انکروچمنٹ کمیٹی میاں خالد حسین،صدر چیمبر آف کامرس وہاڑی خالد محمود،سماجی شخصیت رانا طاہر کریم،پروفیسر جاوید اقبال خاں،پروفیسر کرامت شکیل،پروفیسر خوشی محمد شہزاد،پروفیسر مشتاق احمد،پروفیسر ظفر عبداللہ،ضلعی صدر انجمن تاجران محمد جمیل بھٹی،میڈیکل سپرٹنڈنٹ ٹی ایچ کیو ڈاکٹر امجد شکیل،ڈپٹی ایم ایس ڈاکٹر عمران بھٹی،راﺅ عزیز الرحمن،راﺅ ارشاد احمد خاں،رانا محمد اجمل،مفتی محمد ایوب،حافظ محمد یاسر راشدی اور دیگر نمائندہ شخصیات کی کثیر تعداد نے شرکت کی تقریب سے خطاب کرتے ہوئے سابق وفاقی وزیر سید شاہد مہدی نسیم نے کہا کہ جو لوگ دکھی انسانیت کی خدمت کرتے ہیں وہ دنیا اور آخرت میں سرخرو ہوتے ہیں مستحق،نادار اور محکوم طبقہ کی محرومیوں کا ازالہ اور اُنکی مالی مشکلات کو کم کرنے والے ہمیشہ قابل فخر ہوتے ہیں غریب اور لاچار خاندانوں کی خوشیوں میں شریک ہونا اللہ کے نذدیک پسندیدہ عمل ہے جو لوگ اپنی زندگیاں دوسروں کے لیے وقف کرتے ہیں وہ کبھی فراموش نہیں کیے جا سکتے اصل عبادت انسانیت کی خدمت ہے شیخ شہزاد مبین ہمارے شہر کا فخر ہیں اور اُنکی سماجی خدمات قابل رشک ہیں جن کی تقلید ہر انسان کو کرنی چاہئے اگر ہم دوسروں کی مشکلات کو کم کریں گے تو اللہ تعالیٰ ہماری زندگی کی مشکلات کم کرکے آخرت میں سرخرو کرے گا تقریب سے خطاب کرتے ہوئے شیخ شہزاد مبین نے کہا کہ انسانیت کی خدمت خالصتاََ اللہ تعالیٰ کو خوش کرنے کے لیے کرتے ہیں غریب،لاچار اور دکھی انسانیت کی دعائیں ہماری نجات کا ذریعہ ہیں اللہ تعالیٰ نے ہمیں جو کچھ دیا ہے اُس میں اُسکے بندوں کا جو حصہ شامل ہے وہ اُنکو لوٹا رہے ہیں۔
About Author
