شہباز شریف بورے والا کے عوام کیلئے اربوں روپے کے ترقیاتی پیکیج کا اعلان کریں گے۔رانا مشہود،خالد محمود ڈوگر

بورے والا(چوہدری اصغر علی جاوید سے)صوبائی وزیر تعلیم پنجاب رانا مشہود احمد خاں نے کہا ہے کہ 15فروری کو ہم نے یہ پیغام دینا ہے کہ مستقبل کا وزیر اعظم بورے والا آ رہا ہے شہباز شریف وہ مرد آہن ہے جس نے ساڑھے چار سالہ دور میں تعمیر و ترقی کے وہ ریکارڈ قائم کیے ہیں جو آج تک کوئی نہ کر سکا آج ہمسایہ ملک چائینہ بھی شہباز شریف کی ان صلاحیتوں کا اعتراف کر رہا ہے اور انہوں نے برق رفتاری سے ہونے والے کاموں کو شہباز سپیڈ کا نام دے دیا ہے مسلم دنیا ترکی کے طیب اردگان کو لیڈر مانتی ہے جبکہ وہ شہباز شریف کو لیڈر مانتا ہے ملک میں لوڈشیڈنگ،دہشت گردی اور دیگر چیلنجوں کا مقابلہ کر کے سرخرو ہونے والے عوام کے محبوب لیڈر کو اُنکے کاموں کی یہ سزا دی گئی کہ انہیں اقامہ کی بنیاد پر نااہل کر دیا گیا لیکن میاں نواز شریف کو عوام کے دلوں سے نہیں نکالا جا سکا میاں نواز شریف نے میاں شہباز شریف کو خود آئندہ کے لیے وزیر اعظم کا امیدوار نامزد کر دیا ہے اور انشاءاللہ میاں شہباز شریف مستقبل میں وزیر اعظم بن کر ملکی سالمیت اور اسکی ترقی کے ضامن ثابت ہونگے 15فروری کے دن کو بورے والا سمیت ضلع بھر کے عوام نے ایک یادگار دن بنانا ہے اُس روز ہر گلی،محلے،گاﺅں اور گھر گھر سے (ن)لیگ کا کارکن پاکستان اور مسلم لیگ(ن) کا پرچم لیکر جلسہ گاہ پہنچے جہاں میاں شہباز شریف بورے والا کے عوام کے لیے اربوں روپے کے ترقیاتی پیکیج کا اعلان کریں گے،ان خیالات کا اظہار انہوں نے مسلم لیگ(ن) کے راہنما امیدوار صوبائی اسمبلی حلقہ پی پی233سردار خالد محمود ڈوگر کی رہائش گاہ برلب نہر بنگلہ روڈ پر میاں شہباز شریف کی بورے والا آمد پر اُنکے استقبال اور تاریخی ریلی نکالنے کے حوالہ سے منعقدہ ورکرز اجلاس سے خطاب کرتے ہوئے کیا تقریب سے ایم این اے چوہدری نذیر احمد آرائیں،ایم پی اے چوہدری محمد یوسف کسیلیہ،امیدوار صوبائی اسمبلی حلقہ پی پی 233سردار خالد محمود ڈوگر،وائس چیئرمین ضلع کونسل رانا شاہد سرور،سماجی شخصیت رانا طاہر کریم،سٹی صدر (ن)لیگ شاہد نواب خاں،یوتھ ونگ کے راہنما ڈاکٹر رضوان سلیمی، نادر خاں برکی،وحید قریشی،حافظ عاطف ریاض،خان خالد خاں اور دیگر مقررین نے بھی خطاب کیا اس تقریب میں سابق ناظم سیٹھ محمد اسلم،سردار نعیم احمد بھٹی،شہزاد احمد بٹ،چوہدری عتیق الرحمن،خلیل احمد پنوں ڈوگر،محمد نعیم شان،راﺅ عزیر الرحمن،سردار ظہور احمد ڈوگر، چوہدری محمد آفتاب،چوہدری محمد کاشف رامے،سردار شہزاد احمد ڈوگر،لیاقت علی ڈوگر اور دیگر نمائندہ شخصیات و لیگی عہدیداران و کارکنان کی کثیر تعداد موجود تھی تقریب کے میزبان سردار خالد محمود ڈوگر نے کارکنوں سے اپیل کی کہ 15فروری کو شہباز شریف کے جلسہ میں شرکت کے لیے لاہور روڈ ڈوگر مارکیٹ سے دن11بجے ایک تاریخی ریلی نکالی جائے گی جو جلسہ گار جائے گی۔