وزیر اعلیٰ پنجاب کی آمد کے حوالے سے شہر کی صفائی،روڈز کی مرمت اور ہیلی پیڈ کو جلد مکمل کیا جائے۔علی اکبر بھٹی

بورے والا(چوہدری اصغر علی جاوید سے)ڈپٹی کمشنر وہاڑی علی اکبر بھٹی نے کہا ہے کہ وزیر اعلیٰ پنجاب میاں محمد شہباز شریف کی بورے والا آمد کے سلسلہ میں تمام محکمہ جات کے سرکاری افسران اپنے محکموں کے حوالے سے تیاری مکمل رکھیں اور افسران کو جو ذمہ داریاں سونپی گئی ہیں وہ احسن طریقے سے انجام دیں اور اس میں کسی قسم کی لاپرواہی کی کوئی گنجائش نہیں ہے تاکہ وزیر اعلیٰ پنجاب کے دورہ کو پایا تکمیل تک پہنچایا جا سکے،ان خیالات کا اظہار انہوں نے ڈی پی ایس سکول بورے والا میں وزیر اعلیٰ پنجاب میاں محمد شہباز شریف کی بورے والا آمد اور میگا پراجیکٹس ڈسٹرکٹ وہاڑی کے افتتاح اور سیکورٹی انتظامات کے حوالہ سے جائزہ اجلاس سے خطاب کرتے ہوئے کیا اجلاس میں اسسٹنٹ کمشنر وہاڑی سید آصف حسین شاہ،ایم پی اے بلال اکبر بھٹی،اسسٹنٹ کمشنر بورے والا راﺅ تسلیم اختر،اسسٹنٹ کمشنر میلسی عبدالغفار خان، سی ای او ہیلتھ ڈاکٹر شعیب الرحمٰن گرمانی،سی ای او ایجوکیشن شوکت علی طاہر،ڈی ایس پی بورے والا طاہر مجید ملک،تینوں میونسپلز کمیٹی کے چیف آفیسرز،چیف ضلع کونسل میاں اظہر،ایس این اے شیخ خرم سلیم،انسپکٹر سیکورٹی رانا ثاقب نذیر،ایکسین میپکو ساجد گوندل اور ضلع کے دیگر افسران شریک تھے ڈپٹی کمشنر علی اکبر بھٹی نے کہ وزیر اعلیٰ کی آمد کے حوالے سے شہر کی صفائی و ستھرائی کو حتمی شکل دی جائے روڈز کی مرمت کی جائے ہیلی پیڈ کو مکمل کیا جائے اجلاس کو بتایا گیا کہ میاں محمد شہباز شریف کی آمد پر سیکورٹی انتظامات کو حتمی شکل دی جا چکی ہے اور جلسہ گاہ کے اردگرد عمارات اور دوکانوں سے کلیئرنس لی جا رہی ہے اور ٹریفک پلان بھی ترتیب دیا جا چکا ہے اجلاس میں تمام محکمہ جات کے افسران نے اپنے بھر پور تعاون کا یقین دلایا قبل ازیں ڈپٹی کمشنر علی اکبر بھٹی اور تمام افسران نے جلسہ گاہ میں ہونے والے انتظامات کا بھی جائزہ لیا بعدازاں ڈپٹی کمشنر علی اکبر بھٹی اور دیگر نے بورے والا سٹیڈیم میں بنائے جانے والے ہیلی پیڈ کا بھی معا ئنہ کیا۔