بہت جلد وزیر خارجہ آصف کے اقامہ اور غیر قانونی اثاثوں پر سے پردہ اُٹھنے والا ہے۔محمد عمر ڈار
بورے والا(چوہدری اصغر علی جاوید سے)پاکستان تحریک انصاف کے مرکزی ڈپٹی سیکرٹری محمد عمر ڈار نے کہا ہے کہ ملکی عدلیہ کے فیصلے ایک نئی تاریخ رقم کر رہے ہیں چوروں اور جعل سازوں کے چہروں سے نقاب اُترتے جا رہے ہیں بہت جلد وزیر خارجہ آصف کے اقامہ اور غیر قانونی اثاثوں پر سے پردہ اُٹھنے والا ہے،(ن)لیگ کے جعلی شیر اور اُنکے تمام حواری کسی نہ کسی سنگین جرم میں ملوث ہیں اس لیے وہ اپنے جرائم چھپانے کے لیے ملکی عدلیہ اور فوج کے خلاف غلیظ زبان استعمال کرکے سیاسی شہید بننے کی کوشش کر رہے ہیں پارلیمنٹ نے پوری قوم کو مایوس کیا ہے نواز اور زرداری کے گٹھ جوڑ نے ملک کو تباہی کے دھانے پر پہنچا دیا ہے ان دونوں کا انجام بہت بھیانک ہے،عمران خان نے پوری قوم کو وہ شعور دے دیا ہے کہ اب قوم ان مداریوں اور زرداریوں کے ہاتھوں مذید بے وقوف نہیں بنے کی آئندہ الیکشن میں دودھ کا دودھ اور پانی کا پانی ہو جائے گا جب اقتدار کی چھتری (ن)لیگ کے سر سے ہٹے گی تو قوم ان سے چوکوں اور چوراہوں پر حساب لے گی،ان خیالات کا اظہار انہوں نے پی ٹی آئی راہنما بلدیہ کے اپوزیشن لیڈر امیدوار صوبائی اسمبلی حلقہ پی پی233غلام مصطفےٰ بھٹی کی رہائش گاہ پر مختصر قیام کے دوران میڈیا سے گفتگو کرتے ہوئے کیا اس موقع پر سابق وفاقی وزیر اعلی اسجد ملہی،آزاد کشمیر کے سابق وفاقی وزیر حامد رضا،سابق ارکان صوبائی اسمبلی طاہر محمود اندلی،چوہدری اخلاق احمد، سابق امیدوار قومی اسمبلی میاں عابد جاوید،سابق صدر بار محمد جاوید شاہین،محمد یونس بھٹی،مرزا شہزاد جاوید،جاوید اقبال قادری اور دیگر نمائندہ شخصیات بھی موجود تھیں۔
About Author
