بورے والا معاشی طور پر مضبوط علاقہ ہیں پاکستان کی ترقی میں اسکا اہم کردار ہے۔رانا مشہود احمد

بورے والا(چوہدری اصغر علی جاوید سے)صوبائی وزیر تعلیم رانا مشہود احمد خاں نے کہا ہے کہ جب ہم نے حکومت سنبھالی تو پاکستان کے حالات بہت خراب تھے ملک دیوالیہ ہونے کے قریب تھا معاشی حالت ٹھیک نہ تھی مگر ہماری حکومت نے ملکی معیشت کو مستحکم کیا بین الاقوامی سطح پر پاکستان کا تشخص بڑھایا دنیا کا پاکستان پر اعتماد بحال ہوا پنجاب میں وزیر اعلیٰ محمد شہباز شریف نے صوبے کو ترقی کی راہ پر گامزن کر دیا ہے پنجاب کے ہسپتالوں میں اعلیٰ معیار کی طبی سہولیات میسر ہیں ادویات مفت فراہم کی جا رہی ہیں جدید آلات و مشینری فراہم کر دی گئی ہے پنجاب کے سکولوں میں اعلیٰ تعلیم یافتہ اساتذہ بھرتی کئے گئے،سکولوں کو اپ گریڈ کیا گیا نئی بلڈنگز تعمیر کی گئیں ہمارے طلباء پوری دنیا میں نام روشن کر رہے ہیں،ان خیالات کا اظہار انہوں نے بورے والا ریسٹ ہاﺅس میں تاجران،وکلاء وفدود اور ورکرز کی منعقدہ میٹنگ سے خطاب کرتے ہوئے کیا صوبائی وزیر تعلیم رانا مشہود احمد خان نے مزید کہا کہ بورے والا اور وہاڑی معاشی طور پر مضبوط علاقے ہیں ان کا پاکستان کی ترقی میں اہم کردار ہے حکومت پنجاب نے ضلع وہاڑی میں ریکارڈ ترقیاتی کام کرائے ہیں خادم پنجاب دیہی روڈ پروگرام کے تحت دیہاتوں سے شہروں تک سڑکوں کے جال بچھا دیئے گئے ہیں اس موقع پر صوبائی وزیر زراعت نعیم خان بھابھہ نے گفتگو کرتے ہوئے کہا کہ وزیر اعلیٰ پنجاب محمد شہباز شریف نے جنوبی پنجاب اور خصوصاََ ضلع وہاڑی کو خطیر ترقیاتی فنڈز دیئے ہیں جن سے بہت سے میگا پراجیکٹس تکمیل کے آخری مراحل میں ہیں آج وزیر اعلیٰ پنجاب محمد شہباز شریف کو عوام کی بھر پور حمایت حاصل ہے وزیر اعلیٰ پنجاب کا دورہ بورے والا انتہائی کامیاب ہو گا عوام اپنے لیڈر کا والہانہ استقبال کریں گے اور ان کو دیکھنے کیلئے بے تاب ہے۔