وزیر اعلیٰ پنجاب میاں محمد شہباز شریف دن رات عوام کی خدمت کر رہے ہیں،رانا مشہود احمد

بورے والا(چوہدری اصغر علی جاوید سے)صوبائی وزیر تعلیم رانا مشہود احمد خاں نے کہا ہے کہ حکومت نے جنوبی پنجاب میں اربوں روپے کے میگا پروجیکٹس مکمل کرکے عوام کو سہولیات فراہم کی ہیں،لوڈشیدنگ اور دہشت گردی کا خاتمہ،امن و امان کا قیام،صحت و تعلیم اور مواصلات کی سہولیات مہیا کی گئی ہیں،پاکستان ترقی کی راہ پر گامزن ہو چکا ہے،معیشت مستحکم ہوئی ہے، پنجاب ترقیاتی کاموں میں ایک مثالی حیثیت اختیار کر چکا ہے،وزیر اعلیٰ پنجاب میاں شہباز شریف دن رات عوام کی خدمت کر رہے ہیں ان کی خدمت کا اعتراف پوری قوم کر رہی ہے،ان خیالات کا اظہار انہوں نے بورے والا ریسٹ ہاﺅس میں ارکان قومی و صوبائی اسمبلی،چیئرمین ضلع کونسل،چیئرمین بلدیہ،تاجروں،وکلاءاور ورکرز کی منعقدہ الگ الگ میٹنگ سے خطاب کرتے ہوئے کیا اس موقع پر صوبائی وزیر زراعت محمد نعیم خاں بھابھہ،ممبران قومی و صوبائی اسمبلی چوہدری نذیر احمد آرائیں،سید ساجد مہدی سلیم شاہ،چوہدری ارشار احمد آرائیں،چوہدری محمد یوسف کسیلیہ،میاں عرفان دولتانہ،بلال اکبر بھٹی،میاں ثاقب خورشید،شمیلہ اسلم،فرح منظور خاں،چیئرمین ضلع کونسل پیر غلام محیی الدین چشتی،وائس چیئرمینز ضلع کونسل عاصم سعید خان منیس،رانا شاہد سرور خان،قائمقام چیئرمین بلدیہ وہاڑی غلام مرتضی ڈوگر،چیئرمین بلدیہ بورے والا چوہدری محمد عاشق آرائیں،وائس چیئرمین حاجی افتخار احمد بھٹی،چیئرمین بلدیہ میلسی توصیف خاں یوسفزئی،ڈی سی وہاڑی علی اکبر بھٹی اور اسسٹنٹ کمشنر بورے والا راﺅ تسلیم اختر بھی موجود تھے۔