متحارب طلباء تنظیموں کے مابین فائرنگ کا 9واں واقعہ،طلباء تنظیموں کو مختلف سیاسی جماعتوں کی پشت پناہی حاصل ہے
بورے والا(چوہدری اصغر علی جاوید سے)متحارب طلباء تنظیموں کے مابین فائرنگ کا 9واں واقعہ، مصطفوی سٹوڈنٹ موومنٹ طلباء تنظیم کے آﺅٹ سائیڈرز کی فائرنگ سے مسلم سٹوڈنٹ فیڈریشن کے 4طلباء شدید زخمی،نشتر ہسپتال منتقل،پولیس کی طرف سے واقعات میں ملوث طلباء تنظیموں کے مسلح گروپوں کے خلاف موثر کاروائی نہ ہونے کی وجہ سے کھلے عام فائرنگ کے واقعات معمول بن گئے،طلباء تنظیموں کو مختلف سیاسی جماعتوں اور بھتہ خور گروپوں کی پشت پناہی حاصل ہے، شہریوں کی جانب سے تعلیمی اداروں میںپر امن ماحول کی بحالی کے لیئے طلباء تنظیموں کے مسلح گروپوں کے خلاف موثر کاروائی کا مطالبہ،تفصیلات کے مطابق مسلم سٹوڈنٹ فیڈریشن سے تعلق رکھنے والے ایک زخمی سابق طالبعلم ارباز چوہان نے بتایا کہ وہ اپنے دیگر ساتھیوں راشد ولد غلام مصطفی ڈوگر،حسن ولد ظفر اور امداد حسین کے ہمراہ عدالت سے عبوری ضمانت کروا کر واپس گھر آ رہے تھے کہ سٹیڈیم روڈ ہسپتال کی رہائشی کالونی کے سامنے مصطفوی سٹوڈنٹ موومنٹ سے تعلق رکھنے والے ملزمان راﺅ فرحان،راﺅ عدنان اور راﺅ نعمان جو کہ حقیقی بھائی ہیں طارق ولد نذیر ڈوگر اور عثمان ڈوگرجو کہ اپنے دیگر نامعلوم ساتھیوں کے ہمراہ مسلح ہو کر گھات لگائے بیٹھے تھے ان پر اچانک فائرنگ کر دی جس سے وہ شدید زخمی ہو گئے ہیں واقع کی اطلاع ملتے ہی مقامی پولیس اور اسسٹنٹ کمشنر بورے والاراﺅ تسلیم اختر ہسپتال پہنچ گئے جبکہ ڈپٹی کمشنر علی اکبر بھٹی نے فون پر لمحہ با لمحہ واقعہ بارے انفارمیشن لیتے رہے بتایا جاتا ہے کہ متحارب طلباء تنظیموں کے مابین فائرنگ کا یہ 9واں واقعہ رونما ہوا ہے فریقین کے خلاف قبل ازیں بھی فائرنگ کے متعدد مقدمات درج ہیں مگر پولیس کی جانب سے ان آﺅٹ سائیڈرز طلباء گروپوں کے مبینہ ملزمان کو ابھی تک گرفتار نہیں کیا گیا ہے جس سے ان کے حوصلے بڑھ گئے ہیں اور یہ گروپ جب اور جہاں چاہتے ہیں اپنے اسلحہ سے فائرنگ کرنا شروع کر دیتے ہیں جس سے تعلیم حاصل کرنے والے طلباء اور ان کے والدین خوف و ہراس میں مبتلا رہتے ہیں اور ان کے خوف کی وجہ سے ان کا کوئی بھی شریف شہری سامنا نہیں کر پاتا ان آﺅٹ سائیڈرز طلباء تنظیموں کے گروپوں کو شہر کی مختلف سیاسی جماعتوں اور بھتہ خورگروپوں کی پشت پناہی بھی حاصل ہے جو انہیں ناجائز قبضوں اور شرفاء کی پگڑی اچھالنے کے لیئے استعمال کرتے ہیں مختلف سماجی و اصلاحی تنظیموں سے تعلق رکھنے والے نمائندہ شہریوں نے ڈی پی او وہاڑی عمر سید ملک و دیگر متعلقہ حکام سے شہر کے تعلیمی اداروں میں پر امن ماحول کی بحالی کے لیئے موثر کاروائی کا مطالبہ کیا ہے۔
About Author
