بورے والا کو”دی سٹی آف ایجوکیشن“بنانے میں تابندہ ماڈل ہائی سکول کا کردار ناقابل فراموش ہے۔پیر غلام محیی الدین چشتی،چوہدری عاشق آرائیں

بورے والا(چوہدری اصغر علی جاوید سے)چیئرمین ضلع کونسل وہاڑی پیر غلام محیی الدین چشتی نے کہا ہے کہ نئی نسل کی تعلیم و تربیت میں محنتی اور قابل اساتذہ بنیادی کردار ادا کرتے ہیں اور کارہائے نمایاں انجام دینے والے طلباءاپنے ادارے،والدین اور معاشرے کا فخر ہیں نئی نسل کی جدید سائنسی علوم اور وقت کے تقاضوں کے مطابق تعلیم و تربیت انہیں جدید دور کے چیلنجوں کا مقابلہ کرنے کے قابل بناتی ہے نمایاں کامیابی حاصل کرنے والے طلباءو طالبات اور اُنکے اساتذہ کی حوصلہ افزائی بہت ضروری ہے بورے والا کو ”دی سٹی آف ایجوکیشن“ بنانے میں تابندہ ماڈل ہائی سکول کا کردار ناقابل فراموش ہے جس میں سکول کے قابل اساتذہ اور انتظامیہ مبارک باد کی مستحق ہے،ان خیالات کا اظہار انہوں نے تابندہ ماڈل ہائی سکول کی سالانہ تقریب تقسیم ایوارڈ و انعامات میں بطور مہمان خصوصی خطاب کرتے ہوئے کیا تقریب سے چیئرمین بلدیہ چوہدری محمد عاشق آرائیں،معروف سنیئر صحافی”روزنامہ پاکستان“کے گروپ ایڈیٹر ایثار رانا،چوہدری ظفر جمیل، پرنسپل تابندہ ماڈل ہائی سکول میاں نعمان طارق،چیف ایگزیکٹو میاں طارق مسعود،چوہدری ظفر اقبال، ممبر گورننگ باڈی لاہور پریس کلب شاہنواز رانا،معروف شاعرہ و ماہر تعلیم شازیہ اکبر اور دیگر نے بھی خطاب کیا اس تقریب میں وائس پرنسپل گورنمنٹ کالج پروفیسر راشد سدھو،ڈی ای او ایلیمنٹری چوہدہدری محمد معروف،صدر بار میاں افتخار صابر،چیئرمین انکروچمنٹ کمیٹی بلدیہ میاں خالد حسین ،چیئرمین یوسی پیر مطیب چشتی،پرنسپل پنجاب کالج پروفیسر مجید اکبر،پرنسپل سپیریئر کالج میاں آصف سردار،(ر)ڈی ای او چوہدری محمد سردار،امیدوار صوبائی اسمبلی سردار خالد محمود ڈوگر، مسلم لیگ(ن)کے راہنما چوہدری نعیم شان آرائیں اور دیگر نمائندہ شخصیات بھی موجود تھی تقریب میں مڈل سٹینڈرڈ،میٹرک اور انٹر کے امتحانات میں نمایاں پوزیشنیں حاصل کرنے والے طلباءو طالبات میں لیپ ٹاپ،ایوارڈ،کیش پرائز اور سرٹیفکیٹ تقسیم کیے گئے۔