شہباز شریف رنگ روڈ منصوبے میں ناقص و غیر معیاری میٹیریل کا استعمال انکوائری رپورٹس میں ثابت ہو گیا،کروڑوں کی کرپشن بے نقاب

بورے والا(چوہدری اصغر علی جاوید سے)40کروڑ سے زائد کے شہباز شریف رنگ روڈ منصوبے میں ناقص و غیر معیاری میٹیریل کا استعمال انکوائری رپورٹس میں ثابت ہو گیا،اسسٹنٹ کمشنر اور چیئرمین بلدیہ بورے والا کی انکوائری رپورٹ میں منصوبے کو ناقص اور غیر معیاری قرار دے دیا گیا،کروڑوں کی کرپشن بے نقاب،شہریوں کی جانب سے نیب کو تحقیقات کا مطالبہ،تفصیلات کے مطابق ڈیڑہ سال قبل نہر کے دونوں جانب شروع ہونے والے 40کروڑ سے زائد کی لاگت کے میگا پراجیکٹ شہباز شریف منی بائی پاس/رنگ روڑ منصوبے میں محکمہ پراونشل ہائی وے کی چشم پوشی اور ٹھیکیدار سے مبینہ ملی بھگت کے نتیجہ میں اس منصوبے میں دو رویہ سڑک اور نہر کے دونوں جانب کی جانے والی باﺅنڈری وال میں ناقص و غیر معیاری میٹیریل کے دھڑا دھڑ استعمال پر شہریوں نے اسسٹنٹ کمشنر اور چیئرمین بلدیہ بورے والا کو شکایات کی تھیں اِن شکایات کی روشنی میں اسسٹنٹ کمشنر بورے والا راﺅ تسلیم اختر نے موقع پر جا کر استعمال ہونے والے میٹیریل کے نمانہ جات اور کام کے معیار کے متعلق چھان بین کی جس میں وہ انتہائی ناقص اور غیر معیاری پایا گیا جسکی رپورٹ ڈی سی وہاڑی کو ارسال کر دی اس طرح ٹھیکیدار کی طرف سے اس منصوبے میں شامل نہر پر پلوں کی تعمیر میں بھی غیر معیاری میٹیریل کے استعمال کی شکایات پر چیئرمین بلدیہ کی زیر نگرانی چیف آفیسر بلدیہ اور انکی ٹیم نے محلہ محمد نگر میں جا کر زیر تعمیر پل جس میں ناقص میٹیریل کے باعث دراڑیں پڑ چکی تھیں اور انتہائی غیر معیاری پایا گیا اس پل کو گرا کر اسکی دوبارہ تعمیر شروع کروا دی گئی اور ناقص و غیر معیاری میٹریل کے استعمال کے متعلق مفصلی رپورٹ تیار کر کے ڈی سی وہاڑی کو ارسال کر دی گئی جبکہ اسی منصوبے کی تحقیقات کے لیے ڈ ی سی وہاڑی کے حکم پر 4رکنی اعلیٰ سطحی کمیٹی نے تاحال اپنی تحقیقات مکمل نہیں کیں مقامی شہریوں نے اس میگا پراجیکٹ میں ہونے والی کروڑوں روپے کی کرپشن بارے نیب سے تحقیقات کا مطالبہ کیا ہے۔