میاں برادران کا پہلی مرتبہ غیر جانبدارانہ احتساب ہو رہا ہے جس سے انکی چیخیں نکل گئی ہیں۔شگفتہ چوہدری

بورے والا(چوہدری اصغر علی جاوید سے)پیپلز پارٹی جنوبی پنجاب کی فنانس سیکرٹری محترمہ شگفتہ چوہدری نے کہا ہے کہ میاں برادران کا پہلی مرتبہ غیر جانبدارانہ احتساب ہو رہا ہے جس سے انکی چیخیں نکل گئی ہیں،ان خیالات کا اظہار انہوں گذشتہ روز پیپلز پارٹی سٹی آفس میں میڈیا کے نمائندوں سے گفتگو کرتے ہوئے کیا اس موقع پر سٹی صدر طاہر سلیم چوہدری،جنرل سیکریٹری سلیم قریشی،چوہدری بشیر احمد باجوہ،ڈپٹی ریٹائرڈ شوکت مرزا،عاشق انصاری،شکیل مرزا،سلیم درزی،نعیم احمد نعیم اور دیگر بھی موجود تھے انہوں نے کہا کہ پیپلز پارٹی کے راہنماں اور سابق صدر آصف علی زرداری ایک طویل عرصہ احتساب کا سامنا کیا انہیں گرفتار کر کے جیلوں میں قید کیا گیا لیکن انہوں نے بڑی دلیری سے حالات کا مقابلہ کیا میاں برادران کو اب اس بات کا اندازہ ہے کہ اب نہ تو جسٹس قیوم(ر)جیسے جج اور نہ ہی(احتساب الرحمنٰ)سیف الرحمن جیسے احتساب کمیشن کے چیئرمین ہیں ان کی سیاسی تاریخ میں پہلی بار صاف شفاف اور غیر جانبدارانہ احتساب ہو رہا ہے میاں شہباز شریف کو انتخابات کے موقع پر اپنے سیاسی مخالفین کی کرپشن یاد آتی ہے میاں صاحب پہلے اپنی اور اپنے بھائی کی کرپشن کا قوم کو جواب دیں۔