محکمہ لوکل گورنمنٹ پنجاب کی ہدایت کے مطابق تمام کونسلرز کے سرکاری کارڈ بنائے جائیں گے۔عاشق آرائیں،افتخار بھٹی
بورے والا(چوہدری اصغر علی جاوید سے)بلدیہ بورے والا کا ماہانہ اجلاس زیر صدارت کنوینیئر وائس چیئرمین حاجی محمد افتخار بھٹی منعقد ہوا،اجلاس کا آغاز تلاوت کلام پاک سے ہوا،اجلاس میں چیئرمین بلدیہ چوہدری محمد عاشق آرائیں،چیف آفیسر بلدیہ راﺅ محمد علی خان،فنانس آفیسر غلام یٰسین کھچی،ایکسین اے ڈی سیکرٹری ماجد یوسف سمیت بلدیہ کے افسران نے شرکت کی چیف آفیسر نے بتایا کہ محکمہ لوکل گورنمنٹ پنجاب کی ہدایت کے مطابق تمام کونسلرز کے سرکاری کارڈ بنائے جائیں گے جو 5سال کے بعد قابل واپسی ہونگے اجلاس سے خطاب کرتے ہوئے اپوزیشن لیڈر غلام مصطفےٰ بھٹی،سردار راشد عظیم،راﺅ عزیز الرحمان،ملک فاروق اعوان،راﺅ غفار علی خان، مہر طاہر امجد نے بلدیہ میں بعض شعبوں میں مبینہ کرپشن شہر میں صفائی کی صورتحال اور تجاوزات کے خاتمہ کی ضرورت پر زور دیا اور مطالبہ کیا کہ ترقیاتی منصوبوں کے بارے میں حلقہ کونسلروں کی سفارشات کو ترجیح دی جائے اور مختلف محکموں کے زیر انتظام ہونے والے ترقیاتی منصوبوں میں غیر معیاری مٹیریل کے استعمال کا نوٹس لیا جائے اور بلدیہ بورے والا کے افسران ان کی مانیٹرنگ کر کے ڈپٹی کمشنر وہاڑی اور متعلقہ محکموں کے سربراہان کو رپورٹ کریں شہر میں جگہ جگہ محکمہ سوئی گیس کی کھدائی کے گڑھوں کو بند کروایا جائے شہر کے گول چوک اور بازاروں میں تین بجے شام تجاوزات کے باعث گزرنا محال ہو چکا ہے شہر میں گذشتہ دور میں نصب کئے گئے 26واٹرسپلائی ٹیوب ویل ابھی تک فنکشنل نہیں کئے گئے ان پر توجہ دی جائے،کونسلرز عمران غفور چوہدری،چیئرمین انکروچمنٹ کمیٹی خالد حسین نے خطاب کرتے ہوئے کہا کہ ریڑھی پڑھی والوں کے لیے متبادل جگہ کا انتظام کیا جا رہا ہے،سردار ظہور ڈوگر نے خطاب کرتے ہوئے ترقیاتی سکیموں میں غیر معیاری کام کی نشاندہی کرتے ہوئے چیئرمین بلدیہ سے مطالبہ کیا کہ ان کاموں کی مانیٹرنگ کر کے کونسلروں سے مشاورت کی جائے،چیئرمین بلدیہ بورے والا چوہدری محمد عاشق آرائیں نے خطاب کرتے ہوئے کہا کہ انہوں نے کسی بھی دباﺅ کو خاطر میں لائے بغیر بلدیہ کی رٹ کو قائم رکھا ہے اور کبھی بھی اس عہدے کو مستقل نہیں سمجھا نہ کبھی کسی سے بھتہ لیا ہے اور نہ کسی آفیسر کو لینے دوں گا شہری معاملات میں ہمیشہ سول سوسائٹی،میڈیا اور کونسلروں سے مشاورت کر کے بہتری کی کوشش کی ہے سینٹری عملہ سے صفائی کا کام لینے کے لیے شہر کو تین حصوں میں تقسیم کیا گیا ہے روزانہ ہر حصے میں تین سے چار گھنٹے خصوصی صفائی کروائی جاتی ہے محکمہ لوکل گورنمنٹ کے ذریعہ ہونے والے غیر معیاری کاموں کی تحقیقات کروا کر رپورٹ (ڈی سی)وہاڑی اور محکمہ لوکل گورنمنٹ کو مراسلہ ارسال کیا جائے گا چیئرمین بلدیہ چوہدری محمدعاشق آرائیں نے مزید کہا کہ کونسلروں کی طرف سے کسی بھی انفارمیشن کے حصول کے لیے شفاف نظام موجود ہے اجلاس میں بلدیہ بورے والا کے کونسلرز شہباز حسین باجا بھٹی،حاجی عبدالغفار بھٹی،رانا شاہد علی،رانا ارشاد احمد،جمیل شاہد رحمانی،چوہدری محمد علی،عبد الجبار بٹ،سیٹھ اسرار احمد،ملک امتیاز حسین،فلک شیر ڈوگر، حاجن فوزیہ،محترمہ بشریٰ کاظمی سمیت کونسلروں کی کثیر تعداد نے شرکت کی۔
About Author
