اسحاق خاں خاکوانی یوتھ کی تنظیم سازی میں کارکنان کے اضطراب کو افہام و تفہیم سے ختم کریں۔زبیر خاں نیازی

بورے والا(چوہدری اصغر علی جاوید سے)انصاف یوتھ ونگ پنجاب کے صدر زبیر خاں نیازی نے کہا ہے کہ عمران خان کی اصل طاقت نوجوان ہیں اس کے ساتھ ناانصافی پارٹی کے لئے نقصان کا باعث بن سکتی ہے انہوں نے اسحاق خاں خاکوانی سے مطالبہ کیا کہ ضلع وہاڑی کی تنظیم سازی میں باصلاحیت اور اہل افراد کی حوصلہ افزائی کی جائے،نوجوانوں میں پائے جانے والے اضطراب کو افہام و تفہیم سے دور کیا جائے،ان خیالات کا اظہار انہوں نے انصاف یوتھ ونگ کے صوبائی نائب صدر امجد حمید چوہان کے دفتر جملیرہ روڈ پر یوتھ ونگ کے کارکنان سے خطاب کرتے ہوئے کیا انہوں نے کہا کہ ہم نے ایک طویل جدوجہد کے بعد ضلع وہاڑی سمیت پنجاب بھر میں یوتھ ونگ کو منظم اور مضبوط بنایا ہے اور اس جدوجہد میں ہمارے شانہ بشانہ اپنی صلاحیتوں کو بروئے کار لانے والے نوجوانوں کے ساتھ نئی تنظیم سازی میں کسی قسم کی زیادتی برداشت نہیں کریں گے قربانیاں دینے والے نوجوانوں کو پارٹی میں جائز مقام دلانے کے لئے آخری حد تک جانے سے بھی گریز نہیں کیا جائے گا،ہماری اصلی جنگ چوروں اور تاریخ کے بدترین لٹیروں سے ہے میرٹ سے ہٹ کر تنظیم سازی سے پارٹی کی توجہ اصل احداف سے ہٹ جاتی ہے انہوں نے کہا کہ ضلع وہاڑی میں امجد حمید چوہان کی قیادت میں سینکڑوں نوجوانوں کی دن رات کی محنت رائیگاں نہیں ہو سکتی تقریب سے امجد حمید چوہان،ضلعی صدر انصاف لائرز فورم چوہدری مختار احمد،امیر حمزہ جٹ،مہر شبیر احمد سیال،میاں مشتاق احمد طور،ڈاکٹر عبدالرشید،تاج احمد بھٹی،چوہدری محمد اشرف گجر اور پرویز احمد بھٹی نے یوتھ ونگ کے کارکنان سے اظہار یکجہتی کیا۔