حلقہ ٹو بی آر سے ملحقہ درجنوں دیہاتوں کی سڑکیں دو سال سے نامکمل ٹوٹ پھوٹ سے حادثات معمول بن گئے
بورے والا(چوہدری اصغر علی جاوید سے)حلقہ ٹو بی آر سے ملحقہ درجنوں دیہاتوں کی سڑکیں دو سال سے نامکمل ٹوٹ پھوٹ سے حادثات معمول بن گئے،وزیر اعلیٰ پنجاب کے پروگرام کے تحت دو سال قبل شروع ہونے والے بورے والا کے حلقہ ٹوبی آر سے ملحقہ دیہاتوں کو جانے والی تمام سڑکیں تاحال مکمل نہ ہوسکیں،تفصیلات کے مطابق بورے والا کے حلقہ ٹو بی آر سے ملحقہ دیہاتوں کو جانے والی تمام سڑکیں دو سال بعد بھی مکمل نہ ہوسکیں انتظامیہ اور ٹھیکیداروں کی مبینہ غفلت اور بے حسی سے عوام رل گئے علاقہ کے لوگ دو سال سے سڑک کی تعمیرکے لیے ڈالے گئے پتھر پر سفر کرنے پرمجبور ہیں پتھروں کی وجہ سے لوگ آئے روز حادثات کا شکار ہو رہے ہیں علاقہ مکینوں نے احتجاج کرتے ہوئے کہا کہ الیکشن کے دوران گھر گھرجا کر ووٹ مانگ کر اور پھر ہمارے ہی ووٹوں سے ایم این اے اور وزیر بننے والوں نے کبھی پلٹ کر نہیں دیکھا کہ علاقہ مکین کس عذاب سے گزر رہے ہیں چوکی نثار بوٹا تا چک نمبر118 ای بی تک درجنوں دیہات کے لوگ اس روڈ پر سے گزرتے ہیں اور روزانہ حادثات میں لوگ زخمی ہوتے ہیں اہل علاقہ نے احتجاج کرتے ہوئے کہا کہ ہم بار بار انتظامیہ اور ٹھیکیداروں کے پیچھے دفتروں میں دھکے کھاچکے ہیں مگر کبھی کسی نے اس جانب دھیان ہی نہیں دیا علاقہ مکینوں نے وزیر اعلیٰ پنجاب میاں محمد شہباز شریف اور ڈی سی وہاڑی علی اکبر بھٹی سے فوری نوٹس لینے کا مطالبہ کیا ہے تاکہ سینکڑوں دیہاتوں کے رہائشیوں کو اس عذاب سے نجات مل سکے۔
About Author
