مسلح ڈکیتی کی چار مختلف وارداتوں میں ڈاکو شہریوں سے نقدی موبائل فون اور قیمتی سامان لوٹ کر فرار
بورے والا(چوہدری اصغر علی جاوید سے)ایک ہی رات میں مسلح ڈکیتی کی چار مختلف وارداتوں میں ڈاکو شہریوں سے نقدی موبائل فون اور قیمتی سامان لوٹ کر فرار ہو گئے،مسلسل واداتوں پر شہری پریشان،تفصیلات کے مطابق ڈکیتی کی پہلی واردات تھانہ ماڈل ٹائون کی حدود میں ساجد مقبول بھٹی سکنہ گلستان کالونی کے ساتھ ہوئی جو اپنے گھر سے گول چوک کی طرف جا رہا تھا کہ 2 نامعلوم مسلح ڈاکو موٹر سائیکل 125 پر آئے اور اسلحہ کے زور پر نقدی مبلغ 45ہزار روپے چھین کر فرار ہو گئے دوسری واردات ڈی بلاک میں رات نو بجے ہوئی جہاں دو ڈاکو الشفا لیبارٹری کے سامنے درزی کی دوکان سے گن پوائنٹ پر نقدی موبائل اور سلے ہوئے کپڑے لوٹ کر فرار ہوئے جبکہ تیسری واردات بھی ڈی بلاک میں جامعہ مسجد کے سامنے پرفیوم شاپ پر ہوئی جہاں رات نو بج کر تیس منٹ پر تین ڈاکو گن پوائنٹ پر دس ہزار سے زائد نقدی،پرفیوم اور ہوزری کا سامان لوٹ کر موٹر سائیکل پر فرار ہو گئے اور چوتھی واردات مقامی اسلحہ ڈیلر چوہدری محمد یوسف کے گھر واقع این بلاک میں ہوئی جہاں آٹھ مسلح ڈاکو اہل خانہ کو یرغمال بنا کر نقدی موبائل فون اور طلائی زیورات لوٹ کر فرار ہو گئے وارداتوں کی اطلاع پر پولیس موقع پر پہنچ گئی اور مصروف تفتیش ہے شہر میں پہ در پہ ڈکیتی کی وارداتوں پر شہری پریشان ہیں انہوں نے اعلیٰ حکام سے تحفظ فراہم کرنے کا مطالبہ کیا ہے۔
About Author
