اساتذہ کی بقاء اور مسائل حل کیلئے 22دسمبر ڈی سی آفس کے سامنے احتجاجی دھرنا دیا جائے گا۔مرزا طارق محمود

بورے والا(چوہدری اصغر علی جاوید سے)پنجاب ٹیچرز یونین کے مرکزی سیکرٹری نشرو اشاعت اور ضلع وہاڑی صدر مرزا طارق محمود نے کہا ہے کہ پنجاب ٹیچرز یونین وفد نے ڈپٹی کمشنر وہاڑی اور چیف ایگزیکٹو آفیسر ڈسٹرکٹ ایجوکیشن اتھارٹی وہاڑی کو اساتذہ ضلع وہاڑی کے حل طلب مسائل ان سروس پرموشن،پے پیکیج دسمبر2016-17،رخصت اتفاقیہ،استحقاقیہ پر بلاجواز پابندی،غیر تدریسی ڈیوٹیاں،مانیٹرنگ سیل کی بوگس کاروائیوں پر سزا اور بھاری جرمانے و دیگر مسائل پر مبنی ایجنڈا پیش کیا مگر ایک ماہ گزرنے کے باوجود ابھی تک اساتذہ کے مسائل پر کوئی توجہ نہ دی ہے جبکہ سیکرٹری تعلیم سکولز پنجاب کے نوٹیفکیشن کے مطابق اساتذہ کی ان سروس پرموشن اور پے پیکیج 15دسمبر2017تک مکمل کرنا تھے مگر اب تک تمام کیسسز زیر التوا ہیں جس کی وجہ سے اساتذہ ضلع وہاڑی میں شدید اضطراب اور مایوسی پھیل چکی ہے جس کو مد نظر رکھتے ہوئے پنجاب ٹیچرز یونین نے اساتذہ کی بقاء اور مسائل حل کروانے کے سلسلہ میں آج 22دسمبر بروز جمعتہ المبارک بوقت ایک بجے دن ڈپٹی کمشنر آفس وہاڑی کے سامنے احتجاجی ریلی اور دھرنا دینے کا فیصلہ کیا ہے اور مطالبات تسلیم ہونے تک احتجاج جاری رہے گا جس میں ضلع بھر کے اساتذہ کو شرکت کی دعوت دی گئی ہے،ان خیالات کا اظہار انہوں میڈیا کے نمائندوں سے گفتگو کرتے ہوئے کیا اس موقع پر ضلعی جنرل سیکرٹری عبدالرﺅف چوہدری،سنیئر نائب صدر فریاد علی جٹ،مرکزی نائب صدر میڈم عذا عبدالحئی اور دیگر اساتذہ بھی موجود تھے۔