خادم اعلیٰ پنجاب نے بورے والا کے لئے جدید ماڈل بازار کے منصوبے کی منظوری دیدی۔ملک محمد افضل کھوکھر

بورے والا(چوہدری اصغر علی جاوید سے)وزیر اعلیٰ پنجاب کے معاون خصوصی ایم این اے ملک محمد افضل کھوکھر نے کہا ہے کہ خادم اعلیٰ پنجاب کے ویژن کے مطابق بورے والا میں بھی بہت جلد ماڈل بازار کے منصوبے پر کام شروع ہو گا،نئے ماڈل بازار میں معیاری فروٹ،سبزیاں اور دیگر روزمرہ اشیاء کی فراہمی ایک ہی چھت تلے یقینی بنائی جائے گی جہاں پر دوکانیں بنا کر وہاں تمام تر سہولیات فراہم ہونگی،صوبے کے مختلف چھوٹے شہروں میں ایسے ماڈل بازار بننے سے شہر میں ریڑھیوں اور تہہ بازاروں کا خاتمہ کر کے انہی لوگوں کو اس بازار میں دوکانیں دی جائیں گی یہ بازار عام آدمی کے لیے تمام تر اشیاء ضروریہ کی خریداری کے لیے بڑے مال کی طرز پر تعمیر ہو گا،منصوبے پر ہنگامی بنیادوں پر کام شروع کر کے اسے بہت جلد مکمل کر لیا جائے گا،ان خیالات کا اظہار انہوں نے بورے والا میں ماڈل بازار کے لیے پرانی تحصیل مچھلی بازار کی مجوزہ جگہ کا معائنہ کرنے کے بعد میڈیا سے گفتگو کرتے ہوئے کیا اس موقع پر اسسٹنٹ کمشنر راﺅ تسلیم اختر،سیاسی سماجی شخصیات رانا طاہر کریم،چیئرمین اینٹی انکروچمنٹ کمیٹی بلدیہ بورے والا میاں خالد حسین،کونسلر بلدیہ سردار ظہور احمد ڈوگر اور رانا مظہر مختار بھی موجود تھے۔