پوری قوم سانحہ اے پی ایس کے معصوم شہداء کے غم میں آج بھی ڈوبی ہوئی ہے۔میاں آصف سردار

بورے والا(چوہدری اصغر علی جاوید سے)ممتاز ماہر تعلیم پرنسپل سپیریئر کالج میاں آصف سردار نے کہا ہے کہ پوری قوم سانحہ اے پی ایس کے معصوم شہداء کے غم میں آج بھی ڈوبی ہوئی ہے،دہشت گرد ی کے ناسور سے چھٹکارا پانے کے لیے تعلیم کا فروغ اور مذہبی ہم آہنگی انتہائی ضروری ہے،دہشت گردوں کے خاتمے کے لیے ہمیں اجتماعی طور پر ایک قوم بن کر مقابلہ کرنا ہو گا تا کہ آئندہ کسی کو پر امن ماحول کو تباہ کرنے اور ننھے معصوم پھولوں کے بے دردی سے مسلنے کی جرائت نہ ہو،ان خیالات کا اظہار انہوں نے سانحہ اے پی ایس کے شہداء کو خراج عقیدت پیش کرنے کے لیئے دی سپیریئر کالج،ایس ڈبلیو سی ڈی ایس اور “ایمرا” کے زیر اہتمام پریس کلب کے سامنے کالج روڈ پر منعقدہ دعائیہ تقریب سے خطاب کرتے ہوئے کیا تقریب سے خطاب کرتے ہوئے ضلعی صدر پی ٹی آئی چوہدری خالد محمود چوہان،ضلعی صدر انجمن تاجران محمد جمیل بھٹی،ضلعی صدر مسلم لیگ (ن)یوتھ ونگ منظور برکت ماڑی والا،پی ٹی آئی سپورٹس اینڈ کلچرل ونگ جنوبی پنجاب کے صدر چوہدری اعجاز اسلم،سٹی صدر ملک فاروق اعوان،صدر بار محمد جاوید شاہین،پرنسپل دی سپرٹ سکول پروفیسر امجد علی بھٹی،ضلعی صدر پاکستان کسان اتحاد ملک ذوالفقار اعوان،شعبہ خواتین کی راہنما رضیہ الطاف،تحصیل چیئرمین اے ٹی آئی صداقت خاں، چیئرمین پریس کلب شاہد اکبر طور،پیٹ کے صدر افضال طاہر بھٹی،ایم ایس ایم کے راﺅ فرحان علی،آواز ڈسٹرکٹ فورم کے جنرل سیکرٹری محمد شیر خاں کھچی،معروف عالم دین حافظ محمد یاسر راشدی اور دیگر مقررین نے کہا کہ سانحہ اے پی ایس قومی تاریخ کا ایک المناک واقعہ تھا جس میں معصوم شہداء نے جانوں کے نذرانے پیش کر کے پوری قوم کو دہشت گردوں کے خلاف یکجا کیا اس واقع نے ناصرف پاکستانی قوم بلکہ پوری دنیا کو ہلا کر رکھ دیا تھا لیکن دہشت گردوں کے ناپاک عزائم خاک میں ملانے کے لیے آج پوری قوم پاک فوج کے شانہ بشانہ متحد ہے اور ہر قسم کی قربانی دینے کو تیار ہے اس تقریب میں پرنسپل ڈی پی ایس صلاح الدین،تحصیل صدر پی ٹی آئی طارق محمود باجوہ،راشد رامے،ڈائریکٹر سپیرئیر کالج چوہدری ظل حسنین،سیکرٹری بار چوہدری شاہد اسلام اور دیگر سیاسی،سماجی،مذہبی،کاروباری و طلباءتنظیموں کے نمائندوں نے بھی شرکت کی تقریب کے اختتام پر مولانا محمد یاسر راشدی نے شہدائے اے پی ایس کے درجات کی بلندی کے لیے خصوصی دعا کروائی۔