افضل لائٹ سروس کے سٹور میں خوفناک آتشزدگی،50لاکھ سے زائد مالیت کا سامان جل کر خاکستر ہو گیا
بورے والا(چوہدری اصغر علی جاوید سے)افضل لائٹ سروس کے سٹور میں خوفناک آتشزدگی،سٹور میں موجود 50لاکھ سے زائد مالیت کا الیکٹرک کا سامان،لائٹس،جنریٹر اور دیگر قیمتی سامان جل کر خاکستر ہو گیا،آگ شارٹ سرکٹ کی وجہ سے لگی،تفصیلات کے مطابق افضل لائٹ سروس لنک جوئیہ روڈ کے سٹور واقع ایم بلاک میں اتوار اور سوموار کی درمیانی شب اچانک آگ بھڑک اُٹھی جس نے پورے سٹور کو اپنی لپیٹ میں لے لیا آگ کے شعلے بلند ہوتے دور دور تک دیکھے گئے آگ اتنی شدید تھی کہ اُس نے سٹور میں پڑے ہیوی جنریٹر،پنکھے،لائٹس،ساﺅنڈ سسٹم،تاریں اور الیکٹرک کا دیگر سامان جل کر خاکستر ہو گیا آتشزدگی کی اطلاع ملتے ہی فائر برگیڈ کا عملہ موقع پر پہنچا اور ایک گھنٹہ کی جدوجہد کے بعد آگ پر قابو پا لیا اور آگ کو ملحقہ گھروں تک پھیلنے سے روک لیا تاہم اس دوران سٹور میں موجود تمام سامان جس کی مالیت 50لاکھ سے زائد بیان کی جاتی ہے اُسے جل کر راکھ کر ڈگیر بنا دیا واقعہ کی اطلاع ملتے ہی اسسٹنٹ کمشنر راﺅ تسلیم اختر،چیئرمین بلدیہ چوہدری محمد عاشق آرائیں اور ڈی ایس پی طاہر مجید ملک موقع پر پہنچ گئے اور سرکاری عملہ کو نقصان کا تخمینہ لگانے کی ہدایت جاری کیں آگ لگنے کی وجہ شارٹ سرکٹ بیان کی جاتی ہے۔
About Author
