اقدام قتل اور ڈکیتی کی سنگین وارداتوں میں ملوث خطرناک ڈاکو مبینہ پولیس مقابلہ میں ہلاک
بورے والا(چوہدری اصغر علی جاوید سے)قتل اقدام قتل اور ڈکیتی کی سنگین وارداتوں میں ملوث خطرناک ڈاکو مبینہ پولیس مقابلہ میں ہلاک،ہلاک ہونے والا ڈاکو وارداتوں کے دوران خواتین کی عصمت دری بھی کرتا تھا،ڈاکو اپنے ہی ساتھی کی فائرنگ سے ہلاک ہوا،پولیس ذرائع،تفصیلات کے مطابق تھانہ ماڈل ٹاﺅن پولیس کی گاڑی قائد اعظم سٹیڈیم کے عقب میں واقع برلب نہر امرود کے باغ کے قریب سے گزر رہی تھی کہ دو نامعلوم مشکوک افراد نے پولیس کی گاڑی کو دیکھ کر ان پر فائرنگ کر دی جسکے جواب میں پولیس کے جوانوں نے پوزیشن سنبھال کر جوابی فائرنگ شروع کر دی اسی فائرنگ کے دوران ایک مشکوک شخص باغ سے باہر بھاگتے ہوئے فائر لگنے سے مارا گیا جبکہ اس کا ساتھی رات کی تاریکی کا فائدہ اٹھاتے ہوئے فرار ہو گیا فائرنگ کا سلسلہ ایک گھنٹے تک جاری رہا پولیس کے مطابق مارا جانے والا ڈاکو اپنے ہی ساتھی کا فائر لگنے لگنے سے ہلاک ہوا ہے جسکی شناخت منیر احمد ولد بشیر احمد سکنہ کبیر والا کا رہائشی تھا پولیس کے مطابق ہلاک ہونے والے ڈاکو منیر احمد کا تعلق انتہائی خطرناک گروہ سے تھا جو ڈکیتی کی وارداتوں میں لوٹ مار کے علاوہ خواتین کو عصمت دری کا نشانہ بھی بناتا تھا اور علاقے میں دہشت کی علامت سمجھا جاتا تھا اور اس نے 4دسمبر کو پولیس کی زیر حراست اپنے ساتھی طارق کو چھڑانے کے لیے دیگر ساتھیوں کے ہمراہ پولیس پر فائرنگ کر دی تھی جس میں طارق انکی فائرنگ سے مارا گیا تھا اور وہ موقع سے فرار ہو گیا تھا ہلاک ہونیوالا ڈاکو منیر احمد قتل،اقدام قتل،ڈکیتی اور راہزنی جیسی 10مختلف وارداتوں میں ملوث تھا ڈی پی او وہاڑی عمر سعید ملک نے مقابلے میں حصہ لینے والے پولیس ملازمین کو نقد انعام اور تعریفی سرٹیفکیٹ دینے کا اعلان کیا۔
About Author
