تین مسلح ڈاکو اہل خانہ سے گن پوائنٹ پر لاکھوں روپے مالیت کے طلائی زیورات اور نقدی لوٹ کر فرار

بورے والا(چوہدری اصغر علی جاوید سے)آتشیں اسلحہ سے مسلح تین ڈاکوﺅں نے زبردستی گھر میں گھس کر اہل خانہ کو گن پوائنٹ پر کمرے میں بند کر کے لاکھوں روپے مالیت کے طلائی زیورات،نقدی،موبائل فون اور موٹر سائیکل چھین کر فرار ہو گئے،تفصیلات کے مطابق انور ٹاﺅن کا رہائشی مقامی شہری محمد ناصر گذشتہ شام سات بجے اپنے گھر میں اہل خانہ کے ہمراہ موجود تھا کہ اچانک اس کی والدہ کی طبیعت خراب ہونے پر اس نے اپنے چچا زاد بھائی مدثر کو فون کر کے ڈاکٹر کو لانے کا کہا اسی اثناء میں اچانک دروازے پر دستک ہوئی تو ان کے بچے نے دروازہ کھول دیا تین مسلح ملزمان اندر داخل ہو گئے اور تمام گھر والوں کو دھمکی دی کہ شور مچایا تو جان سے مار دیں گے ملزمان نے سب لوگوں کو ایک کمرہ میں یرغمال بناکر کمرے سے 8تولہ طلائی زیورات اڑھائی لاکھ روپے نقدی وغیرہ لوٹ لی دوران واردات ہی ناصر کا بھائی مدثر بھی ڈاکٹر کو لے کر پہنچ گیا ملزمان نے انہیں بھی قابو کر کے مدثر کی جیب سے 8ہزار روپے اور ڈاکٹر کی جیب سے 35ہزار روپے اور موبائل فون کے علاوہ 125موٹر سائیکل نمبری 5822وی آر ایل چھین لی اور فرار ہو گئے پولیس تھانہ سٹی نے ایک نامزد ملزم کامران ولد اکرم قصائی سکنہ شادمان کالونی سمیت تین ملزمان کے خلاف زیر دفعہ 392ت پ مقدمہ درج کر لیا ہے۔