وہاڑی پولیس اور المدینہ ڈویلپرز کی جانب سے بورے والا میں فری ہیلمٹ تقسیم

بورے والا(چوہدری اصغر علی جاوید سے)وہاڑی پولیس اور المدینہ ڈویلپرز کی جانب سے بورے والا میں ہیلمٹ کے بارے میں شعور و آگاہی کے حوالے سے پروقار تقریب منعقد کی گئی جس میں ڈی پی او وہاڑی محمد عیسیٰ خان نے شہریوں میں بذریعہ قرعہ اندازی مفت ہیلمٹ تقسیم کیے اس دوران شہریوں کو ہیلمٹ کے استعمال کے بارے میں آگاہی فراہم کرتے ہوئے ہیلمٹ کی افادیت کے بارے میں بتایا گیا جبکہ ڈی پی او وہاڑی محمد عیسیٰ خان نے ہیلمٹ کو استعمال میں لاتے ہوئے اپنے سفر اور زندگیوں کو محفوظ بنانے کی ہدایت کی اور اس کی افادیت کے بارے میں لیکچر بھی دیئے اس موقع پر ایس ڈی پی او سرکل بورے والا سردار محمد ظفر ڈوگر،ڈی ایس پی ٹریفک رانا تنویر سرور،چیف سیکورٹی آفیسر رانا ثاقب نذیر،ایس ایچ او تھانہ سٹی خالد محمود چوہان اور ایس ایچ او تھانہ صدر مجاہد خان بلوچ بھی موجود تھے المدینہ ڈویلپرز کے چیف ایگزیکٹو چوہدری صدیق یوسف آرائیں نے اپنے خیالات کا اظہار کرتے ہوئے کہا کہ وہاڑی پولیس کے ساتھ شہریوں کی زندگیوں کو محفوظ بنانے کی یہ مہم جاری رہے گی اور آئندہ آنے والے دنوں میں بھی شہریوں میں آگاہی کیلئے مزید مفت ہیلمٹ تقسیم کیے جائیں گے اس موقع پر چوہدری سعید یوسف،چوہدری حامد تاج،سید سجاد حسین بخاری،میاں اصغر بشیر،شیخ عمران،امان اللہ موہل،محمد زاہد،محسن جاوید،مہر محبوب عالم کے علاوہ صحافی برادری،تاجر اور شہریوں کی کثیر بھی موجود تھے۔