آج ہم دنیا کا مقابلہ تعلیم اور ہنر مندی کے بغیر نہیں کر سکتے۔پروفیسر راشد سدھو

بورے والا(چوہدری اصغر علی جاوید سے)ممتاز ماہر تعلیم و دانشور (ر) پرنسپل گورنمنٹ کالج بورے والا پروفیسر آر اے راشد سدھو نے کہا ہے کہ نسل نو کو تعلیم کے ساتھ ساتھ انکی صحیح خطوط پر تربیت بہت ضروری ہے آج ہم دنیا کا مقابلہ تعلیم اور ہنر مندی کے بغیر نہیں کر سکتے غریب اور متوسط طبقہ کیلئے گورنمنٹ سیکٹر کے ساتھ سماجی و فلاحی اداروں کا کردار بھی قابل فخر ہے جن کی کاوشوں سے آج ہم نئی نسل کو جدید خطوط سے آراستہ تعلیم کی فراہمی یقینی بنا رہے ہیں ملک میں ایک غریب کے بچے کو بھی وہی تعلیمی سہولیات فراہم کرنے کی اشد ضرورت ہے جو کسی امیر کے بچے کو حاصل ہیں،ان خیالات کا اظہار انہوں نے گورنمنٹ عربیہ اسلامیہ بوائز ایلیمنٹری سکول مدینہ کالونی میں منعقدہ تقریب سے خطاب کرتے ہوئے کیا تقریب کی صدارت ہیڈ ماسٹر رانا اللہ رکھا نے کی جبکہ تقریب سے چیئرمین روحہ ایجوکیشنل ٹرسٹ رانا حارث نسیم خاں اور صدر پریس کلب چوہدری اصغر علی جاوید نے بھی خطاب کیا جبکہ اس موقع پر ڈپٹی ایجوکیشن آفیسر میڈم صدف نذیر،سید سجاد شاہ،محمد آصف،چوہدری آصف بشیر اور احمد سدھو ایڈووکیٹ بھی موجود تھے چیئرمین روحہ ایجوکیشنل ٹرسٹ کے چیئرمین رانا حارث نسیم خاں نے سکول میں رانا اصغر علی سیکنڈری بلاک کی تعمیر کے حوالہ سے مکمل یقین دہانی کروائی۔