پولیس کی شیلنگ،لاٹھی چارج اور کارکنان کی گرفتاریوں کے خلاف تحریک لبیک یا رسول اللہ کی احتجاجی ریلی

بورے والا(چوہدری اصغر علی جاوید سے)فیض آباد میں پولیس دھرنے اور پولیس کی شیلنگ،لاٹھی چارج اور کارکنان کی گرفتاریوں کے خلاف تحریک لبیک یا رسول اللہ کی کال پر ملک بھر کی طرح بورے والا میں بھی تحریک لبیک یا رسول اللہ کے سینکڑوں کارکنان نے مدرسہ احیاءالعلوم چیچہ وطنی روڈ سے احتجاجی ریلی نکالی،ریلی کی قیادت تحصیل صدر رانا نصر اللہ خاں نے کی ریلی ملتان روڈ سے ہوتی ہوئی پی آئی لنک وہاڑی روڈ پر جا کر دھرنے کی شکل اختیار کر گئی جہاں پر شہر کے مختلف علاقوں اور دیہات سے سینکڑوں کارکنان نے شرکت کی احتجاجی دھرنے سے سید اظہار الحق شاہ،رانا نصر اللہ خاں،نائب امیر تحصیل عمران علی سیفی،ناظم اعلیٰ محمد اعجاز بھٹی،علامہ سراج دین،صدر بار محمد جاوید شاہین،ضلعی صدرپاکستان کسان اتحاد ملک ذوالفقار اعوان،پی ٹی آئی کے ضلعی راہنما چوہدری اعجاز اسلم اور دیگر مقررین نے خطاب کیا مظاہرین نے حکومت کے خلاف اور پاک فوج کے حق میں نعرے باز ی کی اس موقع پر ڈی ایس پی میاں مظہر وٹو اور اسسٹنٹ کمشنر راﺅ تسلیم اختر نے دھرنے کے شرکاءکے ساتھ روڈ بحال کرنے کے لئے مذاکرات کیے جو ناکام رہے دھرنے کے شرکاءنے اعلان کیا کہ مرکزی قیادت کی طرف سے جب تک دھرنہ ختم کرنے کا حکم نہیں ملتا یہ دھرنہ ختم نہیں ہو گا دھرنے کی وجہ سے ٹریفک کی طویل قطاریں لگ گئیں اور ٹریفک مکمل جام ہو کر رہ گئی تا ہم دھرنے کے شرکاءنے ایمبولینس،بزرگ مرد و خواتین اور بیمار افراد کو وہاں سے گزرنے کی اجازت دے دی ہے پولیس کی بھاری نفری نے کراچی اور لاہور سے جانے والی فرید ایکسپریس ٹرین کو بحفاظت وہاں سے گزار دیا۔