36سال قبل وفات پانے والی خاتون کا 26سال بعد جعلی اشٹام پیپر بنا کر اُسکی وارثتی زمین پر قبضہ کی کوشش
بورے والا(چوہدری اصغر علی جاوید سے)36سال قبل وفات پانے والی خاتون کا 26سال بعد جعلی اشٹام پیپر بنا کر اُسکی وارثتی زمین پر قبضہ کی کوشش،وفات پانے والی خاتون کے وارثان کو رواثتی حق سے محروم کرنے کے لیے جعل سازوں کا منظم گروہ سرگرم ہو گیا،اہل دیہہ کی جانب سے زمین کے اصل حقداروں کو اُن کے حق سے محروم کرنے والے بااثر گروہ کے خلاف احتجاج، بااثر گروہ نے محکمہ مال کی مبینہ ملی بھگت سے عدالت میں فوت ہونے والی خاتون کی جگہ جعلی خاتون پیش کر کے یکطرفہ ڈگری حاصل کر لی،اصل وارثان نے یکطرفہ فیصلے کو عدالت میں چیلنج کر دیا،تفصیلات کے مطابق نواحی گاﺅں493ای بی کی رہائشی مجیداں بی بی نے میڈیا کے نمائندوں کو بتایا کہ اُنکی جیٹھانی جنت بی بی جو کہ36سال قبل وفات پا گئی تھی اور اُسکا خاوند بھی اُسے سے پہلے فوت ہو چکا تھا اور اُنکی کوئی نرینہ اولاد نہ تھی جنت بی بی نے اپنے زیر قبضہ صوبائی حکومت کی 22کینال اراضی اپنی زندگی میں اُسے فروخت کر دی تھی جس کا بیعہ نامہ بنانے سے قبل ہی نواحی گاﺅں469ای بی کے ایک بااثر زمیندار محمد ریاض نے جنت بی بی کی جگہ ایک فرضی خاتون کو جنت بی بی ظاہر کر کے عدالت میں دعویٰ دائر کرتے ہوئے اُس فرضی جنت بی بی کے نام بیعہ نامہ بنوانے کا منصوبہ بنایا جس میں اشٹام فروش اور محکمہ مال کے پٹواری سے ساز باز ہو کر دھوکہ دہی اور فراڈ کے ذریعہ عدالت میں فرضی جنت بی بی کو پیش کرکے اس 22کینال اراضی کا مالک بنانے کا دعویٰ ڈگری کروا لیا جس میں یکطرفہ طور پر اصل وارثان کو بے خبر رکھتے ہوئے فیصلہ حاصل کر لیا اور جنت بی بی کے جائز وارثتی حقداران کو اُس زمین سے بے دخل کرنے کی کوشش کی تو یہ سارا فراڈ بے نقاب ہو گیا محمد ریاض نے جعل سازی اور عدالت کو دھوکہ دیتے ہوئے فرضی جنت بی بی کے نام جو دعویٰ ڈگری کروایا اُسے اہل دیہہ نے بھی جعلی اور فراڈ پر مبنی قرار دے دیا ہے مجیداں بی بی نے اس جعل ساز گروہ کے خلاف مقامی سول جج محمد مجید حفیظ کی عدالت میں دعویٰ ڈگری کو چیلنج کرتے ہوئے موقف اختیار کیا ہے کہ محمد ریاض نامی بااثر شخص کی جانب سے جنت بی بی کے نام سے حاصل کیا گیا دعویٰ ڈگری خارج کرکے جعل سازی کے مرتکب افراد کے خلاف کاروائی کی جائے عدالت نے اس درخواست پر رپورٹ طلب کی جس میں گاﺅں کے نمبردار،کونسلر اور اہل علاقہ نے بتایا کہ جنت بی بی 36سال قبل فوت ہو چکی ہے اُسکے نام سے 26سال بعد کیا گیا دعویٰ جعل سازی پر مبنی ہے محمد ریاض نامی شخص کی اس جعل سازی اور عدالت کو دھوکہ دئیے جانے کے خلاف احتجاج کرتے ہوئے نمبردار محمد افتخار،کونسلر اظہر محمود،ندیم افتخار علی،محمد بلال،محمد فیاض،محمد عمران،محمد جاوید،محمد بوٹا،شاہد حسین،محمد اسماعیل،ملک نذیر احمد اور دیگر اہل علاقہ نے عدالت سے مطالبہ کیا ہے کہ اس جعل سازی کی تحقیقات کروا کے ذمہ داروں کے خلاف کاروائی اور اصل وارثان کو انصاف فراہم کیا جائے۔
About Author
